बिग बोस बिजेता सिद्धार्थ शुक्लाको मृत्यू

न्यूज ब्यूरो, एजेन्सी । बलिउड कलाकार सिद्धार्थ शुक्लाको मृत्यू भएको छ । उनको हृदयघातका कारण मृत्यू भएको भारतीय मिडियाले उल्लेख गरेका छन् ।

४० बर्षको उमेरमा सिद्धार्थको निधन भएको हो । उनको पार्थिव शरीरलाई अहिले मुम्बइको कपुर अस्पतालमा राखिएको छ । उनको शरीरको पोस्टमार्टम गरिने भारतीय मिडियाले उल्लेख गरेका छन् ।

भारतीय मिडियाका अनुसार सिद्धार्थ केही औषधी खाएर सुतेका थिए । तर, उनले कस्तो प्रकारको औषधी सेवन गरेका थिए भन्ने खुलेको छैन । सिद्धार्थ ‘बीग बोस’को विजेता समेत बनेका थिए ।

सिद्धार्थ हिन्दी टिभी सिरियल बालिका बधुबाट चर्चामा आएका थिए । बिग बोस सिजन १३ मा उनी विजयी भएका थिए । उनी बाबुलका अँगना छुटे ना लगायतका सिरियलमा काम गरेका थिए । उनको ४० बर्षको उमेरमा मृत्यू भएको हो ।