सिरहामा घुमुवा प्रहरी यादवको असुलीले व्यापारी परेशान, पैसा नदिए धम्काउँछन्

सबिन यादव, सिरहा । प्रदेश नम्बर २ को सिरहा जिल्लास्थित नेपाल प्रहरीका एक घुमुवाले आफ्नो इलाकामा व्यापारीहरुसँगको असुलीलाई निरन्तरता दिएको पाइएको छ ।

सिरहा जिल्लाको कर्जन्हा नगरपालिकाको बन्दिपुरस्थित रहेको इलाका प्रहरी कार्यालय कर्जन्हाका घुमुवा प्रहरी प्रदीप यादवले स्थानीय व्यापारीहरुसँग महिनबारी असुली गर्ने गरेको पाइएको छ ।

सो ईलाका अन्तर्गत पर्ने विभिन्न क्षेत्रका व्यापारीहरुबाट महिनबारीदेखि लिएर दैनिक रुपमा पनि रकम असुल्ने गरेको प्रमाण न्यूज ब्यूरोले भेटाएको छ । घुमुवा प्रहरीदेखि व्यापारीहरु आजित भएको छ ।

घुमवा प्रहरी यादवको कनेक्सन विभिन्न क्षेत्रका व्यापारीहरुसँग रहेको छ । उनलाई भारतबाट समान ल्याउने, अवैद्य समान ल्याउने, सरकारको कर छली गर्ने लगायतका तस्करहरु सहित व्यापारीहरुलाई उनले महिनबारी रुपमा रकम लिएर सँरक्षण दिने गरेको छ ।

बन्दिपुर बजारमा रहेको मासु पसल देखि लिएर दारु पसल, खोलाबाट अवैद्य रुपमा निकालिने बालुवा, गिट्टीको ट्याक्टरसँग महिनाको ५ हजार देखि १५ हजार सम्म महिनाबरी असुली गरेको स्थानीयहरु बताउँछन् ।

घुमुवा यादवले पान पसलबाला देखि लिएर मासु पसलका संचालकसँग पनि कम्तीमा महिनाको १५ सय रुपैयाँ लिने गरेको छ । पसलेले भने–“घुमुवा प्रदीप यादबले महिनाको १५०० रुपैया माग्छ हामिले दिनै पर्छ । नदिए नानाथरीका बाहाना बनाएर डराउने काम गर्छ । हामिले दिनै पर्छ नदिए पसलमा आएर आफ्नो पावर देखाउछ । हामी गरिब नदिए व्यपारमा पनि समस्या हुन्छ ।”

कर्जनहा नगरपालिकास्थित रतनपुर,बलटिया र बन्दिपुर गाउँमा संचालनमा रहेको काठ फर्निचरहरुबाट पनि नेपाल प्रहरी घुमुवा यदवले महिनाको ५ देखि १० हजार रकम असुलने गरेको एक व्यापारीले नाम नखोल्ने सर्तमा बताए ।

“घुमुवा प्रदिप यादबको दादागिरी चल्छ । महिनाको लाखौं कमाएर बन्दिपुरका इन्चार्जलाई पनि बुझाउने गरेको आरोप छ । तर, बन्दिपुरका प्रहरी ईन्चार्जले यसलाई अस्विकार गरेका छन् । उनले यस्तो केही पनि नरहेको प्रतिक्रिया दिएका छन् ।

न्यूज ब्यूरोसँगको सँक्षिप्त कुराकानीमा ईलाका प्रहरी कार्यालय बन्दिपुरका इन्चार्ज (नाम बताएनन्) ले मासु पसलबाट असुली गरेको कुरा आफूलाई थाहा नभएको बताउँदै उनले प्रदीप यादव घुमुवा प्रहरी नरहेको दाबी गरे ।

उनका अनुसार, प्रदीप एक सिपाही मात्र रहेको बताए । इलाका प्रहरी कार्यालय बन्दिपुरका ईन्चार्जलाई नाम सोध्दा उनले फोन काटिदिए । यस सन्दर्भमा प्रहरी प्रदीप यादवलाई सम्पर्क गर्दा उनले फोन उठाएनन् । (भिडियो र अडियो प्रमाण सुरक्षित छ)