विमान दुर्घटनामा ज्यान गुमाएकाप्रति 'मौन धारण' र 'दीप प्रज्वलन'

सँजय सहनी ||
रौतहट, २९ फागुन ।
हिजो सोमबार दिउँसो नेपालमा भएको भयानक विमान दुर्घटनामा ज्यान गुमाउनेहरुप्रति मौन धारण गरिएको छ ।

रौतहटको सदरमुकाम गौरमा आज मँगलबार साँझ चिकित्सकहरुले मृतकको आत्माका चीर शान्तीको कामना गर्दै दीप प्रज्वलन गरेका छन् भने शोक स्वरुप मौन धारण समेत गरेका थिए ।

चर्चित एवम् अनुभवी चिकित्सक कौशर आलमको नेतृत्वमा श्रद्धाञ्जली दिदै सयौँ चिकित्सकहरुले मैनबत्ति बालेर दीप प्रज्वलन गरेका छन् भने दुर्घटनामा घाईते भएका व्यक्तिहरुको शिघ्र स्वास्थ्य लाभको कामना समेत गरिएको हो ।

डा.आलम सहित डा. रिजवान आलम, डा. लोकेन्द्र शाह, डा. धिरज जयसवाल, डा. मनोज साह, डा. प्रमोद यादव सहितका चिकित्सकहरुको एक समूहले घटनाप्रति दुःख प्रकट गरेका छन् ।

हिजो त्रिभुवन अन्तराष्ट्रिय विमानस्थल काठमान्डौँमा भएको यूएस बँगलाको विमान दुर्घटनामा दर्जनौ मेडिकलका विद्यार्थी सहित चिकित्सकहरु र सर्वसाधारणले ज्यान गुमाएका हुन् ।

दुर्घटनामा घाईतेहरुको उपचार भने विभिन्न अस्पताल भईरहेको छ ।