साथीले साथ छाडे

जनकपुरः श्राद्धको भोज खान गएका युवक मृत फर्किए, सिँगो टोल नै शोकमा 

दिपेशको लासको प्रकृति हेर्दा उनको टाउकोमा इटले प्रहार गरिएको देखिएको थियो ।

२०७८ श्रावण ९ शनिबार
बिहान ०८:५७ बजे
सुरेन्द्र कुमार यादव

न्यूज ब्यूरो, जनकपुरधाम । काकीको घरमा श्राद्धको भोज खान गएका एक युवक मृत भेटिएपछि सिँगो टोल नै शोकमा डुबेको छ । 

धनुषाको शहिदनगर नगरपालिका वडा नम्बर ९ केउटानी टोल बस्ने सतिस नारायण साफी रजक को २१ बर्षिय छोरा दिपेश साफी मृत भेटिएपछि सिँगो टोल शोकमा डुबेको हो । 

गत असार २७ गते भारतको मथौर कटैयास्थित नातामा काकी पर्ने आफन्त कहाँ श्राद्धको मृत्यूभोज खान दुई साथीसँग गएका दिपेश पुनः जिवित फर्केर आएनन् । 

मोटरसाईकलमा बसेर स्थानीय दुर्गा साफी र रँजीत मण्डलसँग भोज खान गएका दिपेश भारत बिहारको मथौरदेखि केही दुरीमा छतौनी पञ्चायतस्थित बछराजा नदीमा मृत फेला परेको थियो । 

सोही दिन बेलुकी ९ बजे तीनै जना उनको काकीको घरमा मृत्यूभोज खाएको पुष्टि उनको आफन्तजनले गरेको छ भने त्यहाँबाट भोज खाएर गाउँ फर्किन लाग्दा बाटोमै उनलाई मारेर फालिएको उनका बुवा सतिशनारायणले बताए ।

दुर्गा र रँजीतसँगै गएका दिपेश सम्पर्क विहिन भए । उनीहरु दुवै जना घर फर्के पनि दुई तिनदिनसम्म सम्पर्क विहिन भएको दिपेशलाई खोजतलास सुरु गरिएको थियो । तर, भेटाएनन् । 

उनीसँग गएका दुर्गा र रँजीतलाई सोध्दा आफूहरु यदुकूहामा उनलाई मोटरसाईकलबाट झारिदिएको प्रतिक्रिया दिएको उनको बुवाले बताए । तर, दिपेशको लास ४ दिनपछि मथौरदेखि केही दुरीमा छतौनी पञ्चायतस्थित बछराजा नदीमा बेबारिसे भेटिएको थियो । 

यहाँबाट खोजतलासको लागि निस्केका आफन्तजन र परिवारले भारतको मथौरस्थित दिपेशको मृत लासलाई वेवारिसे भन्दै भारतको प्रशासनले पोष्टमार्टमको लागि मधुवनी अस्पताल लगेको थियो । परिवारजनले दिपेशको लासको पहिचान गरी नेपाल ल्याएको बताइएको छ । 

दिपेशको लासको प्रकृति हेर्दा उनको टाउकोमा इटले प्रहार गरिएको देखिएको थियो । उनको अनुहारलाई किचेको भएपनि उनको एक दाँत बालउमेरमै झरेको अनुसार र टिसर्टले पहिचान भएको उनको बुवाले बताए । 

Click Here :VIDEO

दीपेश वैदेशिक रोजगारीबाट ६ महिना अघि मात्र नेपाल फर्किएका थिए । उनी पुनः वैदेशिक रोजगारीमा जाने तयारीमा थिए । दिपेशलाई मारेर फालिएको उनको बुवाले आरोप लगाउँदै दोषीलाई कारवाही गर्न माग गरेका छन् । 

दिपेशको लास ल्याएपछि रँजीत मण्डलको दाजुलाई इलाका प्रहरी कार्यालय यदुकूहाले पक्राउ गरेको थियो । उनलाई पुनः छाडिएको बताइएको छ । 

  • 0%
  • 0%
  • 0%
  • 1%
  • 93%
  • 1%

लगानीकर्ताको ध्यान जलविद्युत् कम्पनीको शेयरमा

  • २०७८ श्रावण ९ शनिबार

न्यूज ब्यूरो ।शेयर लगानीकर्ता जलविद्युत् कम्पनीको शेयरमा आर्कषित भएका छन् । साताको पहिलो दिन आइतबार अधिकांश जलविद्युत् कम्पनीको शेयर मूल्यमा वृद्धि भएको छ । जलविद्युत् उपसमूहको शेयर ७९.९१ बिन्दुले वृद्धि भएको

पूरा पढ्नुहोस्

Bureau Menus