'कुमारी बुम सुपर नाईट' मा सँतोष र सेलिना कत्तार तताए

न्यूज ब्यूरो ||
कत्तार, २६ फागुन । कुमारी बुम सुपरस्टार नाइट’ सांगीतिक कार्यक्रम दोहा कत्तारमा सँतोष राज र सेलिनाले कत्तार तताए ।

हिजो ९ मार्च २०१८ को लागि कत्तारमा आयोजना गरिएको उक्त साँगितिक कार्यक्रममा गायक सँतोष राज र गायिका सेलिना कुँवरले कत्तार झुमाएका थिए ।

नेपाली कला, सँस्कृति र सांगीतिक क्षेत्रलाई विदेशमा रहेका नेपाली माझ फैल्याउने उदेश्यका साथ उक्त कार्यक्रमको आयोजना गरिएको थियो ।

कार्यक्रमका लागि नायिका निरुता सिंह, नृत्य निर्देशक शंकर बिसी, गायक संगितकार सन्तोष राज, गायिका सेलिना कुँवर, लोक गायिका राधिका हमाल, हाँस्यकलाकार जितु नेपाल, गायक तथा संगीतकार राजनराज सिवाकोटी, गायक अनिल सिंह, गायक युवराज चौलागाईँ लगायतको टिम गत विहीबार नै कतार पुगेर हिजो शुक्रवार जुम्माका दिन कत्तार तताएका थिए ।

कतारको सनैयास्थित एम्पी थिएटरमा शुक्रबार साँझ ६ बजेबाट भएको कार्यक्रम कुमारी बैंक र बुम रेमिटले संयुक्त रुपमा आयोजना गरेको बुम रेमिटका प्रमुख तथा कार्यक्रम संयोजक धिरेन्द्र पन्तले न्यूज ब्यूरोसँग भने ।