प्रदेश २ को लोकसेवाद्धारा २०० कर्मचारीको लागि विज्ञापन खुल्ला, कुन कुन पदमा कति सिट ?

न्यूज ब्यूरो, जनकपुरधाम । प्रदेश नम्बर २ को सरकार अन्तर्गत रहेको प्रदेश लोकसेवा आयोगले विभिन्न पदको लागि कर्मचारी भर्नाको लागि विज्ञापन खुल्ला गरेको छ ।

विहिबार प्रदेश २ लोकसेवा आयोगले खुल्ला गरेको विज्ञापनमा विभिन्न पदको लागि २०० बढी कर्मचारी माग गरेको हो । जसमा अप्राविधिक अधिकृत सातौं तहको लागि मात्र २७ जना कर्मचारी माग गरेको हो ।

प्रदेश लोक सेवा आयोगले विहिबार माग गरिएको कर्मचारीहरुमा विज्ञापन अनुसार अप्राविधिक तर्फ सातौं तहमा मात्र २७ जना कर्मचारी माग गरिएको हो ।

जस अन्तर्गत समान्य प्रशासन तर्फ खुल्लामा १२ जना, प्रशासन लेखामा १ जना र प्रशासन राजस्वमा दुई जना गरी १५ जना कर्मचारी माग गरिएको हो । मधेशी महिलाहरुको आरक्षणमा समान्य प्रशासनतर्फ ३ जना, लेखा तर्फ १ जना र राजस्व तर्फ १ गरी कुल ५ जना कर्मचारी माग गरिएको हो ।

यस्तै, मधेशी र दलित महिलाको आरक्षणमा समान्य प्रशासनतर्फ मधेशीको लागि ३ जना, दलित महिलाको लागि १ र राजस्व तर्फ पनि १ जना मधेशी महिलाको सिट आरक्षण गरिएको हो ।

समान्य प्रशासन तर्फ नै प्रदेश २ को लोकसेवा आयोगले दलित तर्फ १ जना, मुस्लिम महिला तर्फ १ जना, आदिवासी जनजातीतर्फ महिलालाई १ जना, थारु महिलामा १ जना माग गरिएको हो भने राजस्व तर्फ अन्तरसेवा अन्तर्गत ४ जना कर्मचारी माग गरिएको हो ।

सोही क्रममा प्रदेश २ को लोकसेवा आयोगले निकालेको विज्ञापनमा प्राविधिकतर्फ स्वास्थ्य सेवा बाहेकको सेवा तर्फ अधिकृत सातौं तहमा तथ्याँक अधिकृतको लागि खुल्लामा १ जना, मधेशी महिलाको लागि १ जना कर्मचारी माग गरिएको हो ।

खानी अधिकृत, ईन्जि, माईनिँग ईन्जिनियरिँग तर्फ खुल्लामा १ जना, नापी अधिकृतको ईन्जी, सर्भेमा १ जना, कृषि प्रचार प्रसार अधिकृत १ जना र मधेशी महिला तर्फ पनि १ जना कर्मचारी माग गरिएको विज्ञापनमा उल्लेख छ ।

यस्तै, बागबानी विकास अधिकृत, कृषी बागवानीको लागि खुल्लामा २ जना, मधेशी महिलामा १ जना, दलित महिला १ जना, अन्तरसेवामा १ जना गरी ५ जना कर्मचारी माग गरिएको छ भने बाली विकास अधिकृत अन्तर्गतको बाली विकास तर्फ खुल्लामा ३ जना, मधेशी महिलामा १ जना, दलित महिलामा १ जना, अन्तरसेवामा १ जना गरी ६ जना कर्मचारी माग गरिएको हो ।

त्यस्तै, बाली सँरक्षण अधिकृतमा खुल्लामा २ जना, मधेशी महिलामा १ जना गरी कुल ३ जना कर्मचारीको लागि विज्ञापन खुल्ला गरिएको हो ।

सोही क्रममा खाद्य अनुसन्धान अधिकृतको लागि खुल्ला तर्फ १ जना, कृषि अर्थ विज्ञ, कृषि, एग इको मार्केटिँग एण्ड स्टाटिस्टिक्समा खुल्ला तर्फ २ जना, मधेशी महिलातर्फ १ जना, दलित महिलामा १ जना र अन्तर सेवा तर्फ पनि १ जना गरी कुल ५ जना कर्मचारी माग गरिएको हो ।

मत्स्य विकास अधिकृतको लागि खुल्लामा ३ जना, मधेशी महिलामा १ जना, दलित महिलामा १ जना, अन्तरसेवा अन्तर्गत १ जना गरी कुल ६ जना कर्मचारी माग गरिएको छ भने कृषि ईन्जिनीयरतर्फ खुल्लामा १ जना कर्मचारी माग गरिएको हो ।

सहायक वन अधिकृत जनरल फरेस्ट्रीतर्फ मधेशी १ जना, दलित महिला १ जना, अन्तरसेवा १ जना माग गरिएको छ भने बोटानी तर्फ खुल्लामा १ जना कर्मचारी माग गरिएको हो । यता, कम्प्युटर ईन्जिनीयरिँग विविध तर्फ खुल्लामा १ जना र मधेशी महिलाको लागि पनि १ सिट आरक्षण गरिएको हो ।

शिक्षा प्रशासनको शाखा अधिकृतको अँग्रेजीको लागि खुल्लामा १ जना, नेपालीको लागि खुल्लामा १ जना, विज्ञानको लागि खुल्लामा १ जना, समाजिकको लागि खुल्लातर्फ नै १ जना गरी ४ जना कर्मचारी माग गरिएको हो । नीरिक्षण तर्फ खुल्लामा २ जना, मधेशी महिलामा १ जना, दलित महिलामा १ जन, अन्तरसेवा अन्तर्गत १ जना गरी ५ जना कर्मचारी माग गरिएको हो ।

यस्तै, पुरातात्व अधिकृतको लागि खुल्लामा १ जना कर्मचारी माग गरिएको हो ।

यता, स्वास्थ्य सेवाको अधिकृत आठौं तहतर्फ मेडिकल अधिकृतको लागि खुल्लामा १ जना, मधेशी महिलामा १ जना माग गरिएको छ भने डेण्टल सर्जनमा खुल्लामा १ जना माग गरिएको हो ।

स्वास्थ्य सेवा अधिकृतको सातौँ तहको लागि नर्सिँग अधिकृततर्फ खुल्लामा २ जना, मधेशी महिलामा १ जना, दलित महिलामा १ जना कर्मचारी माग गरिएको छ भने कम्यूनिटी नर्सिँग अधिकृतको लागि खुल्लामा १ जना, फिजियोथेरापिष्टको लागि खुल्लामा १ जना, मधेशी महिलामा १ जना कर्मचारी माग गरिएको हो ।

यस्तै, मेडिकल ल्याब टेक्नोलोजीको लागि खुल्लातर्फ १ जना, मधेशी महिलातर्फ १ जना माग गरिएको छ भने जनस्वास्थ्य अधिकृत तर्फ खुल्लामा १ जना, मधेशी महिलामा १ जना माग गरिएको छ । फार्मेशी अधिकृतको लागि पनि १ जना खुल्लातर्फ माग गरिएको हो । यस्तै, स्वास्थय शिक्षा अधिकृतको लागि पनि खुल्ला तर्फ १ जना कर्मचारी माग गरिएको हो ।

लोकसेवा आयोगले परीक्षा लिखित, प्रयोगात्मक र अन्तरवार्ताको माध्यमबाट लिनेछ भने परीक्षा मिति अहिले तय नगरी पछि गरिने पनि जनाइएको छ । परीक्षाकेन्द्र जनकपुरमै रहने गरी तय गरिएको हो ।

जसमा दरखास्त (फाराम) को शुल्क सातौं तहको लागि रु. १००० बुझाउनुपर्नेछ भने त्यसपछि थप प्रत्येक किसीम वा समूहको लागि रु. ४०० थप दस्तुर बुझाउनुपर्ने उल्लेख गरिएको छ ।

विज्ञापनको लागि फाराम भर्ने उम्मेदवारहरुले आगामी साउन २७ गतेसम्म फाराम भर्न सकिने छ । विज्ञापनमा साउन २० गतेसम्म २१ वर्ष पुरा भई पुरुषको हकमा ३५ वर्ष ननाघेको र महिलाको हकमा ४० वर्ष ननाघेको उमेर हद तोकिएको छ ।

जसमा ईन्जिनीयरिँग सेवा, कृषि सेवा, वन सेवा र स्वास्थ्य सेवाको हकमा ४० वर्ष ननाघेको तथा बहालबाला स्थायी निजामति कर्मचारीहरुको हकमा उमेर हद नलाग्ने बताइएको छ ।

दरखास्त दस्तुर बुझाउनको लागि प्रदेश लोकसेवा आयोग, प्रदेश नं. २ जनकपुरधामको कार्यालय कोड २१००११७०१२ तथा राजस्व शिर्षक नं. १४२२४ (परीक्षा शुल्क) राखी राष्ट्रिय बाणिज्य बैँक लिमिटेड, खाता नं. १०००१००२०००१०००० वा नेपाल बैँक लिमिटेड, खाता नम्बर २७१०२०००००१००१०००००१ मध्ये आफूलाई पायक पर्ने कुनै एक बैँकमा उम्मेदवारले आफ्नो नामबाट दरखास्त दस्तुर बुझाएको सक्कल बैँक भौचरमा मास्टर आईडी लेखी स्कयान गरी अनलाईन एप्लीकेशन भर्दा तोकिएको स्थानमा अपलोड गर्नुपर्ने शर्त राखिएको हो ।

उम्मेदवारले शैक्षिक योग्यता, तालिम, अनुभव (आयोगले तोकेको फारममा), व्यवसाय अनुमति प्रमाणपत्र, समावेशी समूह खुल्ने कागजात लगायत सम्बन्धित विज्ञापनमा तोकिएका कागजपत्र अनलाईन दरखास्त प्रणालीको तोकिएको स्थानमा पिडिएफ फोरमेट PDF Formate मा अपलोड गर्नु पर्नेछ ।

सबै उम्मेदवारले आफ्नो नागरिकताको प्रमाणपत्रको अगाडिको भाग स्क्यान गरी जेपिजी फोरमेट JPG Formate मा अपलोड गर्नु पर्नेछ । दरखास्तमा उल्लेख गरेको विवरणका सम्बन्धमा उम्मेदवार स्वयं पूर्ण जवाफदेही हुनुपर्ने पनि उल्लेख विज्ञापनमा गरिएको छ ।

कुन पदको लागि के कतिको योग्यता चाहिएको छ भनेर तल विज्ञापन डाउनलोड गरी हेर्न सकिन्छ । Or, प्रदेश निजामती सेवाका अधिकृत एघारौं, नबौं र सातौं‌ तहको (अप्राविधिक/प्राविधक) पदहरुको विज्ञापनहरु । | प्रदेश लोक सेवा आयोग (p2.gov.np) vacancy-P2-2078.03.30.pdf

vacancy-P2-2078.03.30.pdf