जनकपुरः खेत जोत्दै गर्दा ट्रयाक्टर पल्टिदाँ चालकको मृत्यू

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित ट्रयाक्टर पल्टिदाँ एक युवकको मृत्यू भएको छ ।

जनकपुरधामदेखि केही मात्र दुरीमा रहेको धनुषाको लक्ष्मीनियाँस्थित खेत जोत्दै गर्दा ट्रयाक्टर पल्टिएर दुर्घटना भएको जिल्ला प्रहरी कार्यालय धनुषाले जनाएको छ ।

बुधबार (आज ) बिहान १०ः३० बजेको समयमा ज १ त ५९०१ नम्बरको ट्रयाक्टर पल्टिदा स्थानीय मनोज साहको मृत्यू भएको हो । खेत जोतिरहेको बेला मनोजले चलाएको ट्रयाक्टर पल्टेपछि किचिएर मृत्यू भएको प्रहरीले जनाएको छ ।

ट्याक्टर पल्टिदा गम्भिर घाईते भएका साहको उपचारका लागि जनकपुरधाम ल्याउने क्रममै मृत्यू भएको छ । दुर्घटना भएको ट्याक्टर पनि साहकै रहेको बताइएको छ ।

मनोजको लासलाई पोष्टमार्टमको लागि अहिले प्रादेशिक अस्पताल जनकपुरस्थित राखिएको छ ।