सिरहाबाट अटोमेटिक पेस्तोल सहित यादवद्धय पक्राउ

न्यूज ब्यूरो, सिरहा । अटोमेटि पेस्तोल सहित सिरहा प्रहरीले दुई जना युवकलाई पक्राउ गरेको छ ।

सोमबार अपरान्ह ४ः०० बजेको समयमा २ नम्बर प्रदेश प्रहरी कार्यालय र इलाका प्रहरी कार्यालय मिर्चैयाबाट खटि गएको सँयुक्त टोलीले अटोमेटि पेस्तोल सहित दुई युवकलाई पक्राउ गरेको हो ।

प्रहरी टोलीले जिल्ला सिरहा गोलबजार नगरपालिका वडा नम्बर ९ स्थितमा जिल्ला सिरहा मिर्चैया नगरपालिका वडा नम्बर १० बस्ने वर्ष २६ को रामकुमार यादव र सोही स्थान बस्ने वर्ष २२ को रुपेश यादवलाई पक्राउ गरिएको हो ।

प्रहरीले शंका लागी चेकजाँच गर्दा राम कुमार यादवको साथबाट मेड इन इटाली लेखिएको अटोमेटिक पेस्तोल, त्यसमा प्रयोग हुने म्यागजिन र टाईप ७७ लेखिएको २ राउण्ड गोली सहित उनीहरुलाई पक्राउ गरिएको हो । थप अनुसन्धान प्रक्रिया अगाडी बढाएको हो ।