अब यातायात कार्यालय जनकपुर विहान ७ बजेदेखि साँझसम्म खुल्ने

न्यूज ब्यूरो, जनकपुरधाम । यातायात व्यवस्था विभाग अन्तर्गतको यातायात कार्यालय जनकपुर विहानदेखि साँझसम्म खुल्ने भएको छ ।

सेवाग्राहीको चापलाई ध्यानमा राखेर यातायात व्यवस्था कार्यालय जनकपुर सोमबारदेखि अन्मित असार सम्म विहानैदेखि साँझसम्म खुल्ने जनाइएको छ ।

अहिले जरिवाना छुटको लागि सेवाग्राहीहरुको अधिक चाप बढन गएपछि विहान ७ बजेदेखि साँझ ५ बजेसम्म सेवा दिने निर्णय गरेको यातायाता कार्यालय जनकपुरका निमित्त प्रमुख बीरेन्द्र कुमार साहले जानकारी दिए ।

सेवाग्राहीको भिडभाड र चापलाई मध्यनजर गर्दै असार मसान्तसम्मका लागि विहान ७ बजेदेखि साँझको ५ बजेसम्म सेवा दिने जनाउँदै यो सेवा असार अन्तिम अर्थात असार ३१ गतेसम्मको लागि मात्र लागू हुने जनाइएको छ ।

न्यूज ब्यूरोसँगको कुराकानीमा साहले अनलाईन मार्फत नै कर तिर्ने विधि नभएको कारण सेवाग्राहीको चाप अन्तिम समयमा आएर बढेपछि सेवाको अवधी बढाएको बताए । उनले यस्तै चाप रहिरहे माथिल्लो निकायसँग समन्वय गरी आगामी दिनमा पनि विहानदेखि साँझसम्म सेवा दिने जानकारी दिए ।