आफ्नै छोरीलाई बलात्कार गरेको अभियोगमा शर्मा पक्राउ

न्यूज ब्यूरो, सिरहा । आफ्नै छोरीलाई जबरजस्ती करणी गरेको आरोपमा एक जनालाई प्रहरीले पक्राउ गरेको छ ।

प्रदेश नम्बर २ को सिरहा जिल्लास्थित आफ्नै छोरीलाई बलात्कार गरेको आरोपमा बुवालाई पक्राउ गरिएको हो । जिल्ला प्रहरी कार्यालय सिरहाले उनलाई पक्राउ गरी सार्वजनिक गरेको हो ।

छोरी बलात्कार गरेको आरोपमा सिरहाको गोलबजार नगरपालिका वडा नम्बर ४ बस्ने बर्ष ४० का तारिणी शर्मालाई पक्राउ गरिएको हो ।

उनलाई आईतबार दिउँसो करिब १२ः३० बजेको समयमा सिरहाको मिर्चैया स्थितबाट पक्राउ गरिएको जिल्ला प्रहरी कार्यालय सिरहाले जनाएको छ ।

उनलाई इलाका प्रहरी कार्यालय गोलबजार लगेर अनुसन्धान प्रक्रिया अगाडी बढाएको हो ।