धनुषाको हँसपुर नगरपालिकामा यसपाली ८५ प्रतिशत विकास

न्यूज ब्यूरो,,जनकपुरधाम । प्रदेश नं २ धनुषाको हंसपुर नगरपालिका २०७७/७८ मा विकास निर्माणमा अग्रसर लिँदै गएको छ ।

हंसपुर नगरपालिकाका नगर प्रमुख रामज्ञान मण्डलले चालु आर्थिक वर्षको कुल बजेटको ८५ प्रतिशत बजेटमा काम भएको जानकारी दिए । उनले जनप्रतिनिधि आफनो कर्तव्य बाट पछि नहटेको बताए।

नगरपालिकामा परिवर्तन ल्यान विकासको दिशामा अगाडि बढाउन विभिन्न विषम परस्थितीमा पनि काम गरेका दाबी गर्दै उनले जुन सुकै भुमिका निर्वाह गर्न तयार रहेको बताए ।

“संघीयता आए पश्चात् स्थानीय तहमा जनप्रतिनिधि हुदा जनतामा खुसियाली आएको देखिँदा अहिले समयमा विकास गर्नमा अग्रसर हुँदा हँसपुरमा विकासको प्रगति तीव्र भएको छ ।”– उनले भने ।

सोही क्रममा नगरपालिकाका प्रमुख प्रशासकीय अधिकृत रामलोचन मण्डलले नागरिक कोरोना महामारीका कारण समस्यामा गईरहेको बेला कोभिड अस्पताल संचालन गरेर नगरपालिका दायित्व राम्रो पुरा गरेको बताए ।

हँसपुर नगरपालिकाले कर्मचारीलाई आवश्यकता बमोजिम सेवा सुविधाहरु मोटरसाइकल र स्कुटी खरिद गरि लकडाउन भन्दा अगावै टेन्डर निकालिएको गाडी जेष्ठ महिना तिर गाडी कर्मचारीलाई वितरण गरिएको अधिकृत मण्डलले बताए ।

नगरपालिकाको विभिन्न शाखाको प्रयोजनका लागि यामहाको एफजेडएस १५० सीसीको ६ वटा मोटरसाइकल र यामहाकै १२५ सीसीको स्कुटी खरिद गरिएको हँसपुर नगरपालिकाका लेखा अधिकृत नेत्र लुंगेलीले जानकारी दिए ।