गणेशमान चारनाथ नगरपालिकाको बजेट ५३ करोड बढी

न्युज ब्युरो ,जनकपुरधाम । धनुषाको गनेशमान चारनाथ नगरपालिकाले ५३ करोड रुपैयाँ बढी बजेट ल्याएको छ

आगामी आर्थिक वर्ष २०७८/७९ मा ५३ करोड भन्दा बढी बजेट ल्याएको हो । नगर प्रमुख रामबाबु यादवले बजेट वक्तत्व दिँदै आगामी आर्थिक वर्षको लागि सो बजेट ल्याएको हो ।

नगर प्रमुख रामबाबु यादवको अध्यक्षतामा सम्पन्न छैठो नगरसभामा नगर प्रमुख यादवले आर्थिक वर्ष ०७८/०७९ को अनुमानित ५३ करोड बजेट प्रस्तुत गरेका हुन् ।

उनले बजेटमा केन्द्रबाट प्राप्त हुने समानिकरण अनुदान, सर्शत, सम्पुरक अनुदान, सामाजिक सुरक्षा, सडक बोर्ड राजस्व बाँडफाँड र प्रदेश सरकारबाट प्राप्त हुने समानिकरण, सर्शत, सम्पुरक, सवारीसाधन कर, मालेपात कार्यालयबाट घरजग्गा रजिष्ट्रटेसन कर तथा विशेष अनुदान कार्यक्रम र आन्तरिक आयलाई समेटर सो अनुमानित बजेट सार्वजनिक गरेको छ ।

बजेटमा कृषि, सिँचाई र स्थानीय बजारलाई बढी जोड दिएको छ । यस्तै आगामी बजेटमा बस्तीबाट वडा केन्द्र जोड्ने सडक, वडाबाट केन्द्र जोड्ने अधुरा सडकहरुलाई विशेष प्राथमिकता दिएको छ ।

सो कार्यक्रममा प्रमुख प्रशासकिय अधिकृत मित्र प्रसाद काफ्ले , लेखा अधिकृत शिवनारायण साह ,इन्जिनियर लखनदेब यादव ,लगायत विभिन्न वडाका वडा अध्यक्षहरु ,नगरपालिकाका कर्मचारीको उपस्थिति रहेको थियो ।