'खेलबाट दक्ष देशमा जनशक्ति उत्पादन हुन्छ' : रामअशिष यादव

दिपक कर्ण ||
जनकपुरधाम, २५ फागुन । प्रदेश सभा सदस्य तथा समाजसेवी रामअशिष यादवले खेलबाट देशमा दक्ष जनशिक्त उत्पादन हुन्छ भनेर जीकिर गरेका छन ।

धनुषा क्षेत्र नम्बर २ को ‘ख’ बाट निर्वाचित यादव धनुषाको शहिदनगर नगरपालिकामा आजदेखि सुरु भएको नवौं राष्ट्रपति रनिङ्ग शिल्ड प्रतियोगितालाई उद्घाटन गर्दै खेलकुदको क्षेत्रमा दक्ष जनशक्ति उत्पादन गर्ने उद्देश्यले उक्त प्रतियोगिता आयोजना गरेका कारण खेलको बिकासमा सबैले लाग्नुपर्नेमा जोड दिए ।

उनले खेलाडीका कारण नै आज मुलुकले बिश्वमा नाम कमाउन सफल भएको बताए । निकट भविष्यमा खेल प्रोत्साहन योजना शुरु गर्ने आफ्नो योजना रहेको समेत उनले बताए ।

तिन दिनसम्म चल्ने यस प्रतियोगितामा धनुषाका ८ वटा माध्यमिक विद्यालयले सहभागिता जनाएका छन् भने प्रतियोगितामा एथलेटिक्स र कबड्डीका विभिन्न खेलहरु तथा भलिबल खेलाईन राष्ट्रिय खेलकुद परिषद कर्मचारी संघका केन्द्रिय सदस्य एवं प्रशिक्षण प्रमुख रामचन्द्र ठाकुरले बताए ।

धनुषा जिल्ला खेलकुद विकास समितिको आयोजनामा जिल्लाको शहिदनगर नगरपालिकाको यदुकुहास्थित जनता एकाई माध्यमिक विद्यालयको प्राङ्गनमा शुक्रबारदेखि ३ दिने राष्ट्रपति रनिङ्ग शिल्ड प्रतियोगिता शुरु भएको जिल्ला खेलकुद विकास समितिका अध्यक्ष कमल किशोर चौधरीले बताएका छन ।

उदघाटन कार्यक्रमको अध्यक्षता जनता एकाई माध्यमिक विद्यालयका प्रधानाध्यापक प्रमोद कुमार कर्णले गरेका थिए भने कार्यक्रममा विशिष्ठ अतिथिहरु प्रदेश नम्बर २ का प्रहरी प्रमुख प्रहरी अतिरिक्त महानिरिक्षक विजय लाल कायस्थ,भुपु सांसद शिवधारी यादव, अतिथिहरु काँग्रस नेता कन्हैया लाल कर्ण,उपेन्द्र ठाकुर,नागेन्द्र प्रसाद मण्डल लगायतकाले शुभकामना मनतव्य ब्यक्त गरेका थिए ।

कार्यक्रममा भलिवल प्रशिक्षकहरु भरत यादव,मनोज साह,अखिलेश कर्ण,प्रमेन्द्र बछार,एथलेटिक्सका प्रशिक्षक उपेन्द्र ठाकुर,कबड्डीका प्रशिक्षकहरु संजय श्रेष्ठ,राजेन्द्र सिंह र सरोज सिंह लगायतकाहरुको उपस्थिति थियो ।

कार्यक्रमको सञ्चालन मा.वि. यदुकुहाका शिक्षक देवेन्द्र कुमार गोईतले गरेका थिए ।