जनकपुरः आफैँले चलाएको ट्रिपरमुनि किचिएको अवस्थामा मृत भेटिए चालक

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधामदेखि केही दुरीमा रहेको धनुषाको नवटोलीमा ट्रिपर चालक मृत भेटिएका छन् ।

धनुषाको सबैला नगरपालिका वडा नं. १० नवटोली टोलस्थित आफैँले चलाएको ट्रिपरमुनी किचिएको अवस्थामा मृत भेटिएको हो । च १ ख ९०९ नम्बरको टिपरले किचिएको अवस्थामा चालक मृत भेटिएको हो ।

प्रहरीका अनुसार, ट्रिपर चालक चालक प्रदेश नम्बर १ को उदयपुर कटारी नगरपालिका वडा नम्बर २ बस्ने रत्नबहादुर तामाङ्का छोरा २८ वर्षीय विष्णु भनिने बुद्ध लामा रहेका छन् । उनको लास ट्रिपरको चक्काले किचिएको अवस्थामा भेटिएको हो ।

मृतकको टाउकोमा टिपरको चक्का र बालुवाले छोपिएको कारण अनुहार देखिएको छैन ।”– प्रहरीले भने, घटना शनिबार साँझ ६ बजे तर्फको रहेको छ ।

मृतक परिवारले चालक बुद्धको हत्या भएको दावी गरिरहेको छ। शवको प्रकृति हेर्दा ट्रिपरलाई ब्याक (पछाडी) गरेर किचिएको जस्तो देखिएकाले उनको हत्या भएको हुन सक्ने मृतकका दाई हरि लामाले बताएका छन् ।

घटना हत्या जस्तै देखिएकाले सुक्ष्म अनुसन्धान नगरी शव उठ्न नदिने नेकपा माओवादी केन्द्र उदयपुरका अध्यक्ष विनोद कटुवालले बताए । ‘घटनामा टिपर ब्याक गरी किचेर ह–त्या गरेको जस्तो देखिन्छ ।

जुन ठाउँमा किचिएर घटना भएको छ । त्यो ठाउँ गाडी फँस्ने ठाउँ नै होइन । अगाडी ट्याक्टरहरु थियो’ कटुवालले भने ‘घटना भएको बखत टिपर चालु अवस्थामा नै थियो । प्रहरी आएर बन्द गरे । टिपरको स्टेरिंगको फिंगर प्रिन्ट गरायो भने घटना आफै छर्लंग हुन्छ । प्रहरीले सुक्ष्म अनुसन्धान नगरेसम्म शव उठाउन दिन्नौं ’ उनले भने ।