मिथिला बिहारीको छैठौं नगरसभा सुरु

न्यूज ब्यूरो, जनकपुरधाम । धनुषाको मिथिला विहारी नगरपालिकाको छैठौं नगरसभा बुधबारदेखि सुरु भएको छ ।

नगरपालिकाका मेयर मेयर अनिल कुमार यादवको अध्यक्षतामा नगरसभाको उद्घाटन सत्र सम्पन्न भएको हो । सो क्रममा मेयर यादवले कोरोनाले ज्यान गुमाएका वडा नं. ५ का वडाध्यक्ष (मृत्यू) विनोद कुमार मण्डलको स्मारक आधुनिक बनाइने घोषणा समेत गरे ।

यसका साथै, कोभिडको दोस्रो लहरको कारण मुलुक भर बन्दाबन्दि भएको यस्तो अवस्थामा यस नगरपालिका समेत प्रभावित भएतापनि तोकिएको समय सिमा भित्रै नगर सभा सुरु भएकोप्रति कृतज्ञता व्यक्त गरे ।

आर्थिक वर्ष २०७८/७९ बजेटमा कृषि, सिचाइ शिक्षा स्वास्थमा बढी जोड दिनेछ । कार्यक्रममा उपमेयर , वडाअध्यक्ष, वडासदस्य, समाजसेवी, पत्रकार लगायतका अतिथिहरुको उपस्थिती रहेको थियो।