सिरहा प्रहरीद्धारा १६ लाख बराबरको अवैद्य सुन बरामद

न्यूज ब्यूरो, सिरहा । प्रदेश नम्बर २ को सिरहा जिल्लास्थितबाट सिरहा प्रहरीले करिब १६ लाख रुपैयाँ बराबरको अवैद्य सुन बरामद गरेका छन् ।

सिरहाको गोलबजारबाट सशस्त्र प्रहरीको टोलीले अबैध सुन बरामद गरि दुई युवा लाई नियन्त्रणमा लिएको छ। सशस्त्र प्रहरी बल नेपाल नं ७ गण हेडक्वाटर सिरहाबाट खटिएका प्रहरी टोलिले गोलबजार नगपालिका वडा नं ४ शिव चौक स्थितबाट सो सुन बरामद गरेको हो ।

कालो रङ्गको बजाज पल्सर मोटरसाइकल सवार जिल्ला सिरहा लक्षमिपुर पतारी गाउँपालिका वडा नं ४ बस्ने बस्ने बर्ष १९ को साउदिन्न खान र सोही ठाउँ बस्ने जिवछ कुमार मण्डल लाई शंका लागे पछि चेकजाँच गर्दा सो सुन बरामद भएको हो ।

प्रहरीले अबैध रूपमा झोला भित्र लुकाइ राखेको अन्दाजी दुई सय (२००) ग्राम बराबरको सुनको ४ थान बला सहित दुई व्यक्तिहरुलाई नियन्त्रणमा लिइ आवश्यक कार्वाहीको लागि सिरहा भान्सार कार्यालय माडर बुझाएको सशस्त्र प्रहरी बल नेपाल ७ नं. गण सिरहाका डिएसपी विनोद थापाले जानकारी दिए ।