हंसपुर नगरपालिकाको बजेट ६२ करोड बढी, मेयरको कामले नगरवासी सन्तुष्ट

न्यूज ब्यूरो, जनकपुरधाम । धनुषाको हंसपुर नगरपालिका २०७८/७९ को आठौं नगरसभामा ६२ करोड ८०लाख ५६ हजार बजेट अनुमान गरिएको छ ।

नगर प्रमुख रामज्ञान मण्डलको अध्यक्षता तथा पर्यटन, संस्कृति तथा नागरिक उड्डयन मन्त्री उमाशंकर अरगरियाको प्रमुख आतिथ्यमा शनिबार भएको आठौ नगरसभाबाट ६२ करोड बढीको बजेट प्रस्तुत गरिएको हो ।

हंसपुर नगरपालिका वडा नम्बर ७ नौवाखोइरस्थित भएको नगरसभामा नगर प्रमुख रामज्ञान मण्डलले नीति तथा कार्यक्रम प्रस्तुत गरेका थिए ।

नगरप्रमुख मण्डलले स्वास्थ्य, शिक्षा, कृषि, र भौतिक पूर्वाधारलाई प्राथमिकतामा राखेको बताएका छन् । उनले भने अनुसार एकल महिलालाई पूर्ण अनुदानमा गाई, भैंसी, बाख्रा वितरण गरिने कार्यक्रमहरु राखिएको बताए ।

कुल विनियोजित मध्ये रु. ४४ करोड ५ लाख ८१ हजार अर्थात ७०.१५ प्रतिशत पुजीगत र १८ करोड ७४ लाख ७५ हजार अर्थात २९.८५ प्रतिशत चालू खर्चमा विनियोजन गरिएको छ ।

त्यस्तै विनियोजित बजेटमा पुर्वाधार बिकासमा रु। ३५ करोड ६१ लाख ३५ हजार, वातावरण तथा बिपद व्यवस्थापनमा रु। ५ करोड र कार्यालय संचालन तथा प्रशासनिक खर्चको लागि रु। ८ करोड २ लाख ६४ हजार रकम विनियोजन गरेको छन् ।

नगरपालिकाका स्वास्थ्य संस्था र वडा कार्यलयहरुमा सुविधा स्वरुप साईकल वितरण पनि गरिएको छ। सहभागी जनप्रतिनिधि लगायत नगरपालिका प्रती सकारात्मक सहयोग गर्ने व्यक्तिलाई सम्मान समेत गरिएको छ ।

सो क्रममा वक्ताहरुले नगर प्रमुख मण्डलको कार्यप्रति सन्तुष्टता जनाएका थिए । आम नागरिक समेत नगर प्रमुख मण्डलको कार्यशैली र विकास निर्माणबाट सन्तुष्ट भएको प्रतिक्रिया दिएका थिए ।

सो कार्यक्रममा विशिष्ट अतिथि माननीय प्रमेश्वर साह, माननीय रामचन्द्र मण्डल, जसपा नेपाल केन्द्रिय सदस्य सुरेन्द्र मण्डल, रमन सिंह, इजरायल रिजिबी, संजय चौधरी पार्टीका जिल्ला अध्यक्ष प्रमोद यादव, समाजवादी युवा संघ जिल्ला अध्यक्ष दिपेन्द्र कापर विद्यार्थी जिल्ला सचिव बलिराम कापरी नगर अध्यक्ष लालबाबु यादव लगायत वडा अध्यक्षहरु तथा माओवादी केन्द्र नेता सुनिल यादव तथा नगरका विभिन्न पार्टी प्रतिनिधिहरुको उपस्थिति रहेको थियो ।

प्रमुख प्रशासकीय अधिकृत रामलोचन मण्डल ,लेखा अधिकृत नेत्र लुङ्गेली ,जिन्सी प्रमुख शिव मण्डल ,स्वास्थ्य सह संयोजक बुधेश्वर यादव तथा कर्मचारीहरू,पत्रकारहरु तथा बुद्धिजिविहरुको उपस्थितिमा आठौ नगरसभा सम्पन्न भएको हो ।