बिहे गर्न पुगेका बेहुलाले गुटखा खाएपछि भएन बिहे, बेहुलीले गरयो बिहे अस्वीकार

न्युज ब्यूरो, एजेन्सी । बिहे गर्न पुगेका दुल्हा (बेहुला) ले मुखमा गुटखा हालेको देखेर दुल्ही (बेहुली) ले विहे गर्न नमानेपछि जन्ती त्यतिकै फर्कन बाध्य भएको छ ।

यो घटना छिमेकी मुलुक भारतको उत्तर प्रदेश राज्यस्थितको बलिया जिल्लाको हो । त्यहाँस्थित मनियर थाना क्षेत्रको मिश्रौली गउाँमा बेहुला रक्सी खानुका साथै मुखमा गुटखा राखेको देखेपछि बेहुलीले विहे गर्नबाट अस्वीकार गरेको भारतीय सँचारमाध्यमहरुले जनाएको छ ।

मनियर थाना प्रभारी शैलेन्द्र सिँहका अनुसार, मिश्रौली गाउँ बस्ने प्रियँका राजभर (दुल्ही) ले विहे गर्नबाट अस्विकार गरेपछि जन्ती (बाराती) खाली हात फर्केका हुन् । बिहे गर्न जाँदा खेजुरी थाहा क्षेत्रका खेजुरी गाउँ बस्ने सँदीप राजभरसँग बिहे तय भएको थियो ।

विहेको लागि जन्ती समयमा पुगेपनि उनीहरुले बिना बेहुलीको घर फर्कनु परेको भारतीय सँचारमाध्यमहरुमा समाचार छ । गत ५ जुनको राती तोकिएको बिहेमा बेहुलाले मुखमा गुटखा राखेकै कारण बिहे भने हुन सकेनन् ।

थाना प्रभारीका अनुसार विहेको तयारी अन्तिम चरणमा पुगेको बेला बेहुलीले बेहुला रक्सी खाएको र मुखमा गुटखा खाएको महसुस भएपछि विहेबाट अस्विकार गरेको थियो । त्यसपछि जन्ती खाली हात घर फर्केको हो ।

गत महिना मात्र कानपुरमा बेहुला रहस्यमयी तरिकाले गायब भएपछि बेहुलीले एक जन्तीसँग नै बिहे गरेकी थिइन् । जानकारी अनुसार, सो दिन बेहुला र बेहुलीको स्वयँबर मालाफेर भइसकेको अवस्थामा बेहुला गायब भएपछि अन्त्यमा बिहेको समयमा एक जन्तीसँगै बिहे गरिएको जनाइएको छ ।