अब TikTok मा नाकारात्मक रोस्ट गरे वा नाकारात्मक भिडियो बनाए साइबर क्राईम अन्तर्गत पक्राउ हुने

न्यूज ब्यूरो, जनकपुरधाम । नेपाल प्रहरीको साईबर ब्यूरोले टिकटक, युटुब सहित अन्य समाजिक सँजालमा नाकारात्मक कन्टेन्ट बनाएर कसैको चरित्रहत्या हुने गरी पोष्ट गरेमा कारवाही हुने भएको छ ।

प्रहरी प्रधान कार्यालयको साईबर ब्यूरोले सोमबार एक सूचना जारी गरी फेसबुक, टिकटक वा युटुब लगायतका प्लेटफार्ममा समाजिक नैतिकता विरुद्धको कन्टेन्ट, द्धेष झल्किने, कसैको चरित्र हत्या हुने गरी समाग्री पोष्ट गरिए साइबर क्राईमको मुद्दा लगाएर कारवाही गरिने चेतावनी दिएको हो ।

फेसबुक वा टिकटक लगायतका प्लेटफार्ममा कसैको तस्विरलाई मोडिफिकेशन, फोटोसप वा मुटीलेट गरी पोष्ट गरिएको पाइएमा साइबर क्राईम मानिने जनाइएको छ । कानुनले प्रदर्शन वा प्रकाशित गर्न नहुने खालका पोष्टहरु पोष्ट गरिए कानुनी दायरा आउने चेतावनी दिएको हो ।

सार्वजनिक नैतिकता, शिष्टाचार विरुद्धका समाग्री, कसैप्रति घृणा वा द्धेष फैलाउने उदेश्यबाट समाग्री पोष्ट गरिएको पाईएमा साइबर क्राईम अन्तर्गत कारवाही गरिने जनाइएको छ ।

हालको बन्दाबन्दी (लकडाउन) को अवसर छोपेर समाजिक सँजालमा कसैको चरित्र हत्या गर्ने, समाजलाई पाच्य नहुने जस्ता समाग्री बनाएर फेसबुक वा टिकटकमा पोष्ट गर्दै आएको पाइएको भन्दै यस्ता गतिविधि गर्नेलाई विद्युतिय कारोबार ऐन २०६३ अन्तर्गत कारवाही गरिने जनाएको छ ।

टिकटक, फेसबुक, युटुब लगायत अन्य समाजिक सँजालमा देखिन थालेको छाडापनलाई नियन्त्रण गर्न तथा व्यापक जनगुनासो बढदै गएपछि साईबर ब्यूरोले सो सूचना प्रकाशन गरी सचेत गराएको हो ।