आमालाई भगाउन बाधक बनेपछि फरमुल्लाहले गरे दुुई बालकको घाँटी रेटी हत्या : प्रहरी

न्यूज ब्यूरो, बारा । प्रदेश नम्बर २ को बारा जिल्लास्थित गत जेठ ४ गते दुई बालकको घाँटी रेटी हत्या गरिएको आरोपमा एक जनालाई प्रहरीले पक्राउ गरी सार्वजनिक गरेको छ ।

बाराको कलैया उपमहानगरपालिका वडा नम्बर ७ रंगपुर निवासी अब्दुल गफार अन्सारीको छोरा ७ वर्षीय उशमान अन्सारी र ९ वर्षीय अमान अन्सारीको हत्यारा लाई बारा प्रहरी ले पक्राउ गर्न सफल भएको छ ।

जेठ ४ गते दाजु भाइको घाँटी रेटेर हत्या गरेको अवस्थामा सोही वाड मा रहेको मदर्शा सल्फिया कन्जुल उलुममा शव फेला परेको थियो । बारा प्रहरी ले हत्यारा लाई ५ दिनमा पक्राउ गर्न सफल भएको हो ।

पक्राउ पर्ने मा कलैया उपमहानगरपालिका वडा नम्बर ७ निवासी २५ वर्षीय फरमुल्लाह अन्सारी रहेको जिल्ला प्रहरी कार्यालय बारा का प्रब्क्ता प्रहरी नायब उपरीक्षक गौतम मिश्रले बताएका छन् ।

प्रहरीको अनुसन्धान मा हत्या भएको मुख्य कारण फरमुल्लाह अन्सारीको एकहोरो प्रेम रहेको , आर्थिक लेनदेन र दाजु भाइको कारण मृतक को आमा र फरमुल्लाह बिचको घनिष्ट सम्बन्ध बाहिरिने डर रहेको खुलेको छ ।

त्यस्तै प्रहरी को अनुसन्धान मा उनी हौर दुबै भागेर जाने सन्दर्भमा बच्चाहरू बाधक देखिएको खुलेको छ पछिल्लो समय महिला निज अभियुक्तबाट टाढिदै गएको अवस्था र मृतक दाजु भाइको बुवा बिदेश बाट पठाउने ऋण पचाउने उदेश्य ले हत्या गरिएको प्रहरीको अनुसन्धान मा खुलेको प्रहरी नायब उपरीक्षक गौतम मिश्रले बताएका छन् ।

मृतक को घर मा ६ जना रहेका थिए । दुई दाजु भाइ , एक दिदी , एक बहिनी , आमा बुवा रहेका छन । मृतक का बुवा रोजगारी को लागी बिदेश रहेका छन् ।

मृतक दाजु भाइको आमासँग अभियुक्तले आर्थिक कारोबार समेत गरेको अनुसन्धानमा खुलिएको छ ।

अभियुक्तले र मृतकहरूको आमासँग लिएको ऋणको रकम समेत हाल सम्म फिर्ता नगरेको , घटना वारदातको दिन मृतकहरूको आमाको माईतीमा भाइ नाता पर्ने व्यक्तिको मृत्यु भएको हुँदा दाहसंस्कार कार्यमा सरिक हुन गएकी थिइन् ।

मृतहरूको आमा माइती तर्फ गएकी र घरमा बच्चाहरू मात्र भएको मौका छोपी अभियुक्तले साँझ पख बच्चाहरूलाई लोभ लालचमा पारी एकान्त स्थलमा बोलाई हत्या गरी छाडेको अनुसन्धानमा खुलिएको प्रहरी नायब उपरीक्षक मिश्रले बताए ।