मधेसका यी तीन कलाकार दुबई झुमाउने

सँतोष ठाकुर ||
युएई दुबई, २३ फागुन ।
अरब ईमिरेट्सको दुबईमा आयोजना हुन लागेको मधेसी होली धमाका कार्यक्रममा मधेसका तीन कलाकारको जोडदार प्रस्तुतिले दुबई झुमाउने भएको छ ।

मधेस मिथिलाका चर्चित कलाकार मोडेल डोली सरकार, गायिका अन्जु यादव र देवेन्द्र साह सोनी कार्यक्रमको लागि दुबई पुगिसकेका छन् ।

गैर आवासीय मधेशी संघ युएईले यही फागुन २५ गते आयोजना गर्न लागेको उक्त कार्यक्रममा ती कलाकारहरु उता पुगेका हुन् ।

मेटल क्राफ्ट इन्डिस्ट्रीज एलएलसी मूल प्रायोजक रहेको मधेशी होली धमाका कार्यक्रम लोटस डाउन टाउन मेट्रो होटेल अपार्टमेन्ट परिसरमा कार्यक्रम आयोजना हुन लागेको दुबईमा कार्यरत सप्तरी निवासी डा. रबिन्द्र कुमार यादवले जानकारी दिएका छन् ।

दुबईमा कार्यरत मधेशी समुदायहरुको साझा संस्थाको रुपमा रहेको गैर आवासीय मधेशी संघले मधेश आन्दोलनका घाइते, शहिद परिवार, आगलागी, बाढी पीडित एवम् अति विपन्नलाई सहयोग सहित समाजिक गतिविधिहरुमा सक्रिय रहँदैआएको छ ।

मधेशको अति महत्वपूर्ण होलीको अवसरमा फागुन १८ गते कार्यक्रम निर्धारण गरिए पनि केही प्राविधिका कारणवस फागुन २५ गते राखिएको जनाईएको छ ।

विदेशमा रहेर पनि आफ््नो संस्कृतिलाई जिवन्त राख्नुपर्छ भने मान्यताका साथ एक ठाउँमा भेला भएर पारिवारिक जमघट जस्तै होली मनाउन लागिएको उनले बताए ।

उनका अनुसार कार्यक्रममा होली गीत, नृत्य, जोगिडा आदि प्रस्तुति रहनेछ ।

नायिका डोली र गायक देबेन्द्र दोस्रो तथा गायिका यादव पहिलो पटक गैर आवासीय मधेशी संघको कार्यक्रमको लागि कालाकारहरु पुगेका हुन् ।

दुबईमा पुग्ने वितिकै विमानस्थलमा आयोजकले भव्य स्वागत गरेका हुन् ।

#Newstoday

#NewsBureau Nepal

#TNN