स्टीँग अपरेशनः प्रादेशिक अस्पतालका मेसु डा. यादव गर्छन रेम्डेसिभिरको कालोबजारी ? (भिडियो सहित)

न्यूज ब्यूरो, जनकपुरधाम । कोरोनाको महामारीमा इमरजेन्सी प्रयोगको लागि अनुमति प्राप्त रेम्डेसिभिर नामक औषधीको ब्लैक मार्केटीँग भइरहको पाइएको छ ।

नेपाल सरकारले ४ हजार ९०० रुपैयाँमा एक भाइल उपलब्ध गराउने भनिएको रेम्डेसिभिर सरकारी अस्पतालहरुमा पठाएपनि अस्पतालका कर्मचारीहरुले सोही औषधीको कालोबजारी गरी हजारौं रुपैयाँमा बेच्ने गरेको पाइएको प्रमाण न्यूज ब्यूरोले फेला पारेको छ ।

प्रदेश नम्बर २ को एक अस्पतालमा गरिएको स्टिँग अपरेशनको क्रममा अस्पतालभित्रै रहेको फार्मेसीका एक कर्मचारीले रेम्डेसिभिरको एक भाइल (एउटा ईन्जेक्सन) को २५ हजार रुपैयाँ मागेको देखिएको छ ।

सोही अनुसार ६ वटा भाइलको लागि उनीहरुले कम गरेर अर्थात छुट गरेर १ लाख ५० हजार रुपैयाँ मागेका थिए । सरकारले ६ भाइलको डोजको लागि कुल ३० हजार रुपैयाँ मात्र लिने भएपनि प्राइभेट अस्पतालहरुले त्यसको ५ गुणा बढी रकम लिएर औषधी दिने गरेको छ ।

आईतबार न्यूज ब्यूरोका अपरेशनल टिमका सबिन यादवले सिरहा जिल्लाको कर्जन्हा स्थित रहेको फूलकुमारी मेमोरियल अस्पतालमा स्टीँग अपरेशनको क्रममा पुगे । त्यहाँ उनले रेम्डेसिभिरको दाम प्रति भाइल २५ हजार गरी दुई भाइलको लागि ५० हजार दिनुपर्ने बताएको भिडियोमा प्रष्ट छ ।

अस्पतालका फार्मेसीमा बस्ने एक व्यक्तिले आफूहरु पनि ब्लैकमा रेम्डेसिभिर ल्याएर बेच्ने गरेको प्रष्ट बोलेका छन् । उनले भिडियोमा भनेका छन्,–“सरकारले त अहिले आएर रेम्डेसिभिर पठाउन थालेको छ, हामी यसअघि नै इन्डियाबाट ल्याएर बेचेका छौं, हामी पनि ब्लैकमै किनेका छौं, एउटको २५ हजार पनि कम छ ।”

स्वास्थ्य तथा जनसँख्या मन्त्रालयले एक सूचना नै जारी गरी एक भाइलको लागि ४९०० रुपैयाँ मात्र पर्ने र विभिन्न सरकारी तथा प्राइभेट अस्पालमा आपूर्ति सहज हुने जानकारी दियो ।

तर, जनकपुर सहित आसपासका अस्पतालहरुमा भने डेढ लाख देखि अढाई लाखसम्म रकम लिएर ब्लैकमा रेम्डेसिभिर बेच्दै पुख्ता प्रमाण भिडियोमा हेर्न सकिन्छ ।

रेम्डेसिभिर आपूर्तिको बारेमा हामीले जनकपुरको प्रादेशिक अस्पतालका मेडिकल सुपरिटेन्डेन्ट (मेसु) डा. प्रमोद कुमार यादवसँग जिज्ञासा राखेपछि उनले सरकारले प्रति भाईल ५ हजार १०० रुपैयाँ (५१००) मा उपलब्ध भइरहेको बताए । जबकी मन्त्रालयले ४९०० मा आपूर्ति हुने भनिएको छ ।

तर, यहाँ फरक मात्र २०० को नभएर २० हजारसम्म बढी लिएर रेम्डेसिभिरको ब्लैक मार्केटिँग (कालोबजारी) गर्दै आएको प्रष्ट देख्न सकिन्छ । सो भिडियोमा सो कर्मचारीले प्रादेशिक अस्पालका मेसुबाट नै अस्पतालले पनि ब्लैकमा रेम्डेसिभिर किनेर बेच्ने गरेको र आफू पनि ब्लैकमै बढी रकम तिरेर किनेको बताएका छन् ।

भिडियोमा ती फार्मेसीका कर्मचारीले प्रादेशिक अस्पतालबाट ५५०० मा किनेर ल्याउने गरेको र सरकारी दाम ५५०० पर्ने पनि बताएका छन् । तर, सरकारी नभएर इन्डियाबाट ल्याएर बेचेकोले २५ हजार एउटा भाइलको पर्ने बताउँछन् ।

यता, जनकपुरमै केही दिन गोदाबरी अस्पतालमा एक विरामीको लागि ६ डोजको ६ भाइलको लागि कुल २ लाख रुपैयाँ मागेका थिए । अर्को जनाको मार्फत भएर रेम्डेसिभिरको ६ भाइल उपलब्ध गराइदिन भनेपछि त्यहाँ दुई लाख रुपैयाँ पर्ने भनेर भनेको थियो ।

यसरी जनकपुरका अस्पतालहरुमा पनि प्रादेशिक अस्पताल जनकपुरबाट रेम्डेसिभिर पठाउँदा कालोबजारी गरी ५ गुणा बढी दाम लिएर बेच्ने गरी मौकाको फाईदा उठाउने गरेका छन् । यसको सरोकारबालाले कुनै निगरानी वा अनुमगन भने गरेका छैनन् ।

यतिको महँगो र महामारीमा पनि कालोबजारी गर्ने जनकपुर सहित सिरहाका अस्पतालहरुमा गरिब, निमुखाहरु औषधी नै खरिद गर्न नसकेर अल्पायूमै ज्यान गुमाउनु परेको ज्वलन्त उदाहरणहरु छन् ।

प्रादेशिक अस्पतालमै कोभिड अस्पतालमा भर्नामा रहेका सँक्रमितहरुलाई आवश्यक पर्ने रेम्डेसिभिर औषधी नदिएर नीजि अस्पताललाई बेच्ने गरेको छ । जसको कारण प्रादेशिक अस्पतालमा सँक्रमितहरुको ज्यान जाने गरेको आरोप एक कुरुवाको छ ।

भिडियोमा भने अनुसार जनकपुर प्रादेशिक अस्पतालका मेसु डा. प्रमोद यादवले लाखौ रुपैयाँ लिएर रेम्डेसिभिरको कालोबजारी गरिरहेको देखिएको छ । यद्ययी, यसबारे उनलाई सोध्दा उनले करिब ४–५ दिनदेखि मात्र सरकारले रेम्डेसिभिर उपलब्ध गराउन लागेको प्रतिक्रिया दिए ।

उनले प्रादेशिक अस्पताल जनकपुरबाटै सबै अस्पतालहरुमा रेम्डेसिभिर पुरयाउन गरेको र अस्पतालाई प्रति भाईल ५१०० रुपैयाँ लिने गरेको स्वीकारे ।

समयमा रेम्डेसिभिर नपाएर कैयौँ कोरोना सँक्रमितको चाँडै ज्यान जाने गरेको देखिएको छ । सो क्रममा औषधी आपूर्तिका निर्देशक डा. प्रमोद यादवले एक सातादेखि नै सरकारले रेम्डेसिभिर उपलब्ध गराउँदै आएको र सोही अनुसार अस्पतालहरुमा उपलब्ध भएको बताए ।

उनले सरकारले तोकेको मूल्य भन्दा बढी रकम लिएको फेला परे कानुनी कारवाही गरिने प्रतिवद्धता जनाए ।