समाजको यो रुप

जनकपुर: आफ्नै श्रीमति र दुई सहोदर भाई मिलेर युवकको विभत्स हत्या !

मृतक मण्डलको शवलाई पोष्टमार्टमको लागि जनकपुरको प्रादेशिक अस्पतालमा लगिने तयारी भइरहेको प्रहरीले जनाएको छ । 

२०७८ बैशाख १८ शनिबार
बिहान ०९:४४ बजे
न्यूज ब्यूरो, डेस्क

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधामदेखि केही दुरीमै रहेको धनुषाको टिल्हीस्थित एक युवकको विभत्स हत्या गरिएको छ । 

धनुषाको हँसपुर नगरपालिका वडा नम्बर ६ टिल्ही टोलस्थित गएराती करिब १ बजेको समयमा स्थानीय ३५ बर्षिय शम्भु मण्डलको विभत्स हत्या गरेको हो । 

मण्डललाई उनकै श्रीमति र उनकै दुई सहोदर भाई मिलेर हत्या गरी फरार रहेको स्थानीयहरुले जनाएका छन् । उनकै श्रीमति सुशिलादेवी मण्डल, भाइहरु जय मण्डल र अनिल मण्डल मिलेर हत्या गरेको हो ।   तीनै जना राती नै हत्या गरी फरार रहेको प्रहरीले जनाएको छ । 

अहिले इलाका प्रहरी कार्यालय औरही र जिल्ला प्रहरी कार्यालय धनुषाको सँयुक्त टोलीले घटनास्थल पुगेर मुचुल्का उठाएका छन् । दुई देवर र भाउजु मिलेर मण्डलको हत्या गरेको जनाइएको छ । 

भाउजु र देबरबीच अवैद्य सम्बन्धका कारण शम्भुको हत्या गरिएको बुझिएको छ । वैदेशिक रोजगारीमा बस्दै आएका थिए शम्भु र उनी एक महिनाअघि मात्र कतारबाट गाउँ आएका थिए । 

शम्भुको कन्चट र घाँटीमा खुकुरी प्रहार गरिएको छ । दुई छोराछोरी रहेको शम्भुको हत्या उनले आफ्नी श्रीमतिलाई पनि कतार लग्ने प्रयास गरेका थिए । उनको श्रीमतिकै बैँक खातामा सबै रकम रहेको एक स्थानीयले नाम नखोल्ने शर्तमा बताए । 

उनलाई हत्या गरी गएराती नै तीनै जना मोटरसाईकलबाट भाग्ने प्रयास गर्दा घरदेखि करिब १०० मिटरकै दुरीमा मोटरसाईकल छाडेर भागेको प्रहरीले जनाएको छ । उनीहरुको खोजी कार्य तीव्र पारिएको जिल्ल प्रहरी कार्यालय धनुषाले जनाएको छ ।

मृतक मण्डलको शवलाई पोष्टमार्टमको लागि जनकपुरको प्रादेशिक अस्पतालमा लगिने तयारी भइरहेको प्रहरीले जनाएको छ । 

  • 1%
  • 5%
  • 2%
  • 3%
  • 69%
  • 17%

डिप्लोमा इन्जिनियर जनमत संघको सिरहा जिल्ला समिति गठन

  • २०७८ बैशाख १८ शनिबार
  • न्यूज ब्यूरो, डेस्क

न्यूज ब्यूरो, सिरहा । डा. सिके राउत नेतृत्वको जनमत पार्टीको भातृ संगठन डिप्लोमा इन्जिनियर जनमत संघको सिरहा जिल्ला तदर्थ समिति गठन गरिएको छ ।   मंगलबार एक कार्यक्रमबीच श्याम सुन्दर साह (जिज्ञासु)

पूरा पढ्नुहोस्

Bureau Menus