विदेशमै बैठाको मृत्यू भएपछि आर्थिक मारमा परिवार, सहयोगको लागि गरे अपिल

न्यूज ब्यूरो, सर्लाही । सर्लाहीका एक यूवा परिवार पाल्न वैदेशिक रोजगारीको सिलसिलामा मलेसिया गएका थिए। तर उनी बाकसमा फर्किए । पैसा कमाएर आफ्नो र परिवारको जीवन सुखमय बनाउने सपना बोकेर गएका उनी शव बनेर फर्किएका हुन।

वैदेशिक रोजगारीमा पुगेका सर्लाहीको बिष्णु गाउँपालिका सर्लाही विष्णु गाउँपालिका–३ मधुवन गोट बस्ने रामचन्द्रका छोरा वर्ष ३७ का राजाराम बैठाको विदेशमा मृत्यू भएको खबरले परिवारमाथि बज्रपात नै खसेका छन ।

करिब चारबर्षअघि काखे छोरी सहित ६ वटा कलिला बालबालिका र बृद्व आमाबुबालाई छोडेर खाडी मुलुकको मलेसियामा पुगेका बैठाको पाँच छोरी र एक छोरा छन् भने आमाबाबु वृद्ध छन्।

बैठालाई छाति दुख्ने समस्या भएको र अस्पताल लैजाँदै गर्दा उनको बाटोमै निधन भएको खबरले परिवारलाई विजोग भएको छ । श्रीमतीसहित जम्मा ९ जना रहेको राजारामका परिवारमा परिवारको एकमात्र साहारको मृत्यु भएपछि परिवार कसरी चलाउने भन्ने बैठा परिवारलाई चिन्तित बनाएको छ ।

आर्थिक कमजोर भएका दलित परिवारको एक मात्र साहारा विदेशमा अस्ताएपछि परिवार ठूलो धर्मसंकटमा परेका छन । चरम गरिबीको अवस्थाबाट गुज्रिरहेको परिवारमा घरको पिलर सदाको लागि अस्ताएपछि बालबालिकाहरुको पालनपोषणमा समेत समस्या हुन पुगेपछि आफनो परिवारलाई आर्थिक सहयोगको निमित्त स्थानिय सरकार, प्रदेश सरकार तथा जनसमुदायमा अपिल गरेका छन ।

श्रीमती र ६ वटा बच्चाहरुको एक छाक खाना, उज्वल भविष्यका लागि मलेसियमा पुगेका श्रीमानको विदेशी रोजगारीमा मृत्यू भएको खबरले आफनो मानसिक सन्तुलन समेत गुमाएकी तेतरी देवीको रुदा रुदै रातको निन्द्रा र भोक समेत बिर्सिएकी छिन ।

रातदिन पतिको वियोगमा एकान्तमा एक्लै बस्न मन पराउने श्रीमतीले पतिको मृत्यू भएपछि हाम्रो परिवारको भविष्य नै अन्धकार हुन पुगेकोे दुखेसो पोखिन ।

हामीसंग न खेत छ, न बारी छ, न आम्दनीको कुनै स्रोत नै १ हाम्रो ६ वटा बच्चाहरु छन, ४ छोरी र एक छोरा विद्यालयमा पढदै छन, भने एक छोरी समेत विद्यालय जाने तर्खरमा छिन।

परिवारको एकमात्र साहारा श्रीमानको विदेशमा मृत्यू भयो । विदेशमा पतिको मृत्यूको खबरले आफू पागलसरी भएकी भएको बताईन । पाँच वटा छोरी र एक छोराको पालनपोषण र पढाईलेखाईको जिम्मेवारी हाम्रो काँधमा आएका छन, आफू विरामी समेत रहेको बताउदै घरमा खानाको लागि समेत एक सुकी अन्न छैन । हाम्रो बच्चाहरुको पालनपोषण कसरी होला, भने चिन्ताले आफू पिरोलिएको बताईन ।

चुनावको समयमा ठूलठूला कुरा गर्ने हाम्रो राजनितिक दल, सधैं आफनो तथा सहयोगी बताउने छिमेकी र आफन्तले समेत पतिको मृत्यू पछि नाता तोडेको र पिडा बुझन, सहयोगको निमित्त समेत अगाडी नआएपछि आफनो पिडा झन पिडादायक बन्दै गएको गुनासो गरिन ।

चरम गरिबीको रेखामुनि रहेको हाम्रो परिवारमा छोराको विदेशमा मृत्यूपछि हाम्रो स– सना नाति नातिनी र बुहारी बेसहारा भएको मृतक राजाराम बैठाको आमा ले रुदै भनिन । खेतबारी र आम्दनीको कुनै स्रोत नभएका कारण बच्चाहरुको पालनपोषण समेत समस्या हुन गएको बताउदै परिवारको सडकमा आउन पुगेको बताईन ।

हाम्रो परिवार गरिब रहेको र बुबाको समेत विदेशमै मृत्यू भएपछि हाम्रो परिवार समस्यामा परेको कक्षा ९ मा अध्ययनरत छोरी अनु कुमारी बैठाले दुखेसो पोखिन ।

आफू उच्च शिक्षाआर्जन गरी भविष्यमा केही बन्ने सोचमा रहेकी, पापाको मृत्यूले परिवारमाथि ठूलो बज्रपात खसेको र आर्थिक स्थिति दयनिय भएका कारण बिचमै पढाई छोडनुपर्ने स्थिति आएको बोल्दै बोल्दै रुन थालिन ।

देशमा तिन तहको सरकार भएपनि मृतक गरिबको घरमा दुखेसो बुझन समेत कुनै तहका सरकार अथवा राजनितिक दल नआएको स्थानिय समाजसेवी राजन बैठाले गुनासो गरे ।

चुनावको समयमा मात्र गरिब बस्ती पस्ने स्थानिय सरकार दलित बैठाको विदेशिक रोजगारीमा मृत्यू र त्यसबाट परिवारको अवस्था दयनिय, अनाथ बालबालिकाको बिच्चली हुदाँ समेत पालिकाको अध्यक्ष तथा उपाअध्यक्ष लगायत कुनै पनि प्रतिनिधि परिवारलाई आश्वासन दिन समेत आएका छैन ।

बैठाको परिवारको जिवकोपार्जन, रोजगारी, अनाथ बच्चाहरुको शिक्षा, स्वास्थ र उज्जवल भविष्यको लागि हामीले प्रदेश सरकार तथा स्थानिय सरकारसंग आर्थिक सहयोगको निमित्त अपिल गरेको बताए ।