सिरहाको लहानमा फेरी दिनदहाडै सुनचाँदी व्यावसायी लुटिए, डिएसपी तपन दाहाल आएदेखि दिनहुँ लुटपाट

न्यूज ब्यूरो, सिरहा । प्रदेश नम्बर २ को सिरहा जिल्लाको लहानस्थित ३६ घण्टाभित्रै दुई सुनचाँदी व्यवासयीको परिवार उपर हमला गरी लुटपाट भएको छ ।

गत शनिबार राती लहान नगरपालिका वडा नं. २३ मा सुनचाँदी व्यावसायीको लुटपाट गरी हत्या गरेको केही घण्टामै पुनः लहानमै एक सुनचाँदी व्यावसायी लुटिएका छन् ।

लहान नगरपालिका वडा नम्बर ७ बस्ने व्यापारी राजेश सारडाको घरमा दिनदहाडै डाँकाहरुले लुटपाट गरेको छ । लुटेराहरुले सोमबार (आज) साँझै उनको घरमा लुटपाट गरी परिवारजनलाई घाईते बनाएको हो ।

सुनचाँदी व्यावसायीको घरबाट लुटेराहरूको समूहले सारडाको कार पनि चोरेर लगेको बताइएको छ । बा १० च ९३०२ नम्बरको कार चोरीका साथै गर गहनाहरु समेत चोरी गरि लगेको जनाईएको छ ।

सारडाको परिवारका सदस्यहरुमाथि आक्रमण गरी लुटपाट गरिएको हो । सो क्रममा केही जना घाईते समेत भएको छ र उनीहरुको उपचार लहानस्थित कामना नर्सिँग होममा उपचार भइरहेको छ ।

स्थानीयहरुका अनुसार, लहानको डिएसपीमा तपन दाहाल आएपछि दिनहुँ लुटपाटका घटनाहरु बढेको हो । उनी आएपछि प्रत्येक दिन सो इलाकामा लुटपाट चोरी चकारीका घटनाहरु भइरहेको छ ।

घटनाको प्रकृति अनुसार, प्रहरीको समेत मिलोमत्तो हुने सक्ने आरोप एक स्थानीयले लगाए । उनले भने, “एक हप्ताभित्र कैयौ यस्ता घटनाहरु मात्र भए ? कसरी ? प्रहरी के गर्दैछ ? कहि प्रहरीको पनि त मिलोमत्तो छ की ?”

यता, लहानका डिएसपी दाहालले लुटपाटको घटनालाई पुष्टि गर्दै घटनाको बारेमा थप अनुसन्धान अगाडी बढाएको बताए ।