स्वास्थ्यचौकी प्रमुख सिँहको 'महारानी शैली', घर बसी बसी खाँदै सरकारी तलब  (भिडियो)

न्यूज ब्यूरो, सिरहा । स्वास्थ्य क्षेत्र अति संवेदनशिल क्षेत्रको रुपमा मानिएको छ । तर, सिरहाको एक स्वास्थ्य चौकी प्रमुखको राजायसी शैलीले आम सर्वसधारणलाई सास्ती भएको छ ।

सिरहा जिल्लाको गोलबजार नगरपालिकाको वडा नं. ७ स्थित रहेको स्वास्थ्यचौकी चन्द्रलालपुर (पुरानो चोहर्बा) की प्रमुख रिता सिँहको महारानी शैलीले आम जनता स्वास्थ्यचौकी जानबाट पनि दिक्क मानिरहेको अवस्था देखिएको छ ।

महिनामा केही दिन मात्र स्वास्थ्यचौकीमा उपस्थित हुने कार्यालय प्रमुख सि.अहेब सिँहले सधैं तालिमको बहाना बनाएर घर विदा बस्दै आएको आरोप स्थानीयहरुले लगाएका छन् ।

उपचार तथा औषधीको लागि समुदायिक स्वास्थ्य सँस्थामा जाने सर्वसाधारणहरु त्यतिकै घर फर्कन बाध्य भएको छ । नेपाल सरकारले स्वास्थ्यमा आम नागरिकको १०० प्रतिशत पहुँच बनाउन विभिन्न योजनाहरु ल्याएपनि कर्मचारीहरुको शैलीका कारण योजना सफल हुन नकेको देखिएको छ ।

कार्यालय प्रमुख सिँहले जहिले पनि विदा बस्ने, तालिम नभएको अवस्थामा पनि तालिममा सहभागी भएको, सरकारले तोकेको कर्मचारी कोडको पोशाक बिनै आफ्नो घरजस्तै शैली बनाएको देखिएको छ ।

सोमबार न्यूज ब्यूरोका सिरहा प्रमुख सबिन यादव स्वास्थ्य चौकी पुग्दा त्यहाँ कर्मचारीहरु केही देखिएपनि स्वास्थ्य चौकी प्रमुख सिँह भने अनुपस्थित देखिइन् । केही बेरमा जानकारी पाए लगत्तै आएकी सिँहले पत्रकार यादवलाई चिठ्ठी लिएर मात्र कार्यालय आउन भन्दै धाक लगाइन् ।

दिउँसो २ बजे स्वास्थ्यचौकी पुग्दा ६ जना कर्मचारीको दरबन्दी रहेकोमा त्यतिबेला २ जना मात्र कर्मचारी देखिए । एउटा अहेब र कार्यालय सहयोगी मिलेर स्वास्थ्य चौकी चलाइरहेको देखिएको छ ।

यता, स्वास्थ्यचौकी प्रमुख रिता सिँह भने आफ्नो घरमै बसेर सरकारी तलब खाइरहेकी छन् । सोमबार कुनै तालिमको आयोजना नभएपनि २ बजेपछि कार्यालय आएकी सिँहले आफू तालिममा रहेकोले ढिलो भएको प्रतिक्रिया दिइन् । (भिडियोमा छ)
पत्रकार यादव स्वास्थ्यचौकीमा गएपछि एक कर्मचारीले प्रमुख सिँहलाई फोन गरेपछि उनी कार्यालय आउँछिन् । “कस्ले भन्यो यहाँ आउन लाई ? के निबेदन लिएर आउनु भएको छ ? भनेर धाक लगाएको हेर्न सकिन्छ ।

सरकारी कार्यालय त्यसमा पनि स्वास्थ्य जस्तो संवेदनशिल क्षेत्रको लागि एक सँचारकर्मीलाई समेत नगरपालिकाबाट निवेदन लिएर आए मात्र कार्यालयमा प्रवेश दिने भनेर धाक लगाउनु उनको कार्य कौशलता दर्साएको देखिन्छ ।

हतारमा सिँह कार्यालय आएपछि उनले तालिमको कारण ढिलो आएको बताइन् । तर, गोलबजार नगरपालिकाका स्वास्थ्य शाखा सँयोजक सरोज कर्णले भने सोमबार कुनै प्रकारको तालिम नभएको प्रतिक्रिया दिए ।

सो क्रममा उनले तालिमको बहाना बनाएर कार्यालय नजाने तथा घर बसबसी सरकारी तलब खाने कर्मचारीको तलब रोक्का देखि लिएर कारवाही समेत गर्ने प्रतिवद्धता जाहेर गरे ।

यसअिघ नरहा गाउँपालिकाको स्वास्थ्य चौकीमा हुँदा समेत प्रमुख सिँहले घर बसी बसी तलब खाँदै आएकी थिइन् ।