जनकपुरः आफ्नै श्रीमान र प्रेमी मिलेर महिलाको हत्या गरेको खुलासा, श्रीमान थुनुवा, Lover फरार !

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको धनुषाको कमला नगरपालिकास्थित एक महिलाको हत्या प्रकरणमा उनकै श्रीमान जेलमा थुनुवामा पठाइएको छ ।

गत फागुन ४ गते विहान धनुषाको कमला नगरपालिका वडा नम्बर २ माचि झिटकैयास्थित विहान करिब ५ बजेको समयमा एक स्थानीयले खेतमा महिलाको लास देखेपछि प्रहरीलाई खवर गरेको थियो ।

सोही प्रकरणमा इलाका प्रहरी कार्यालय खजुरीले मृतक महिलाकी श्रीमान खुसिलाल गडेरी राउतलाई जिल्ला अदालत धनुषाले पूर्वपक्षको लागि कारागार चलान गरेको छ ।

जिल्ला प्रहरी कार्यालय धनुषाका प्रहरी प्रवक्ता मकेन्द्र मिश्रका अनुसार, महिलाको सोही ठाउँ बस्ने सोनु भन्ने सुनिल महतोसँग प्रेम सम्बन्ध रहेको थियो । घटना भएदेखि नै सुनिल पनि फरार रहेका छन् ।

खुसिलाल गडेरीलाई उनकी कान्छी श्रीमतिको आफन्त सप्तरी जिल्लास्थितबाट खजुरी प्रहरीले पक्राउ गरेको थियो । इलाका प्रहरी कार्यालय खजुरीका प्रहरी ईन्सपेक्टर हिरेन्द्र रोकायाका अनुसार घटनाको करिब एक सातामै खुसिलाल गडेरीलाई पक्राउ गरी अनुसन्धान गरिएको थियो ।

अनुसन्धानको क्रममा खुसिलालले सोही टोल बस्ने सुनिलसँग प्रेम सम्बन्ध रहेको र आफू पनि मार्ने चाहेको बयान दिएको बताइएको छ । मृतक खुसिलालकी जेठी श्रीमति थिइन, खुसिलाल दुई वटा बिहे गरेका छन् ।

कान्छी श्रीमति ल्याएदेखि नै जेठी श्रीमतिसँग उनको निरन्तर खटपट हुँदै आएको स्थानीयहरु बताउँछन् ।

जिल्ला प्रहरी कार्यालय धनुषाका अनुसार, सो प्रकरणमा मृतककी श्रीमान सहित ३ जनाको नाम आइरहेको छ । जसमा सुनिल महतो र अन्य धनुषाको फूलगामा बस्ने रँजीत यादव पनि रहेका छन् ।

रँजीत यादवलाई अदालतले धरौटीमा रिहा गरिदिएको छ भने खुसिलाललाई पूर्वपक्षको लागि थुनुवामा पठाएको हो । सुनिल महतो अझै पनि प्रहरीको गिरफ्तमा आएको छैनन भने उनको खोजी तीव्र पारिएको छ ।

यसरी गरिएको थियो हत्याः

खुसिलाल गडेरी जेठी श्रीमतिसँग निरन्तर झगडा गर्दै आएका थिए । त्यसमाथि पनि सुनिल महतोसँग प्रेम सम्बन्ध रहेको थियो । सुनिलको गत फागुन १६ गते नै बिहे हुने भनेर दिन समेत तोकिएको थियो ।

प्रहरीका अनुसार, सुनिलको बिहेको दिन तोकिएपछि महिलासँगको सम्बन्धको डरले आजित भएर उनको हत्या गर्न पुगे । सो प्रकरणमा फूलगामाका रँजीत यादव भने सुनिल महतोका साथी रहेको खुलेको छ ।

महिलाको फोन कल रेकर्ड अनुसार, सुनिल महतोसँग निरन्तर सम्पर्क भएको खुलेको हो । बिहे हुन लाग्दा कुनै बखेडा खडा नहोस् तथा बिहेमा बाधा नहोस भन्ने उदेश्यले उनको हत्या गरेको बुझिएको छ ।

महिलालाई फागुन ३ गते राती नै उनले लगाएको साडी (नुवा) को पासोले घाँटी थिचेर हत्या गरेको अनुसन्धानबाट खुलेको छ । महिलाको लास फागुन ४ गते माचि झिटकैया गाउँ पस्ने छेउमै हुलाकी राजमार्गको करिब २० मिटर दक्षिण खेतमा फेला परेको थियो ।

त्यहाँ रहेको बिसो यादवको खेतमा महिला मृत देखिएपछि स्थानीयहरुले प्रहरीलाई खवर गरेको थियो ।