जनमत पार्टीको प्रथम महाधिवेशन जनकपुरमा, डा. सिके राउतले दिए अध्यक्षमा उम्मेदवारी

न्यूज ब्यूरो, जनकपुरधाम । तराई मधेशका जनताले रुचाएका जनमत पार्टी (जपा) Janamat Party को प्रथम राष्ट्रिय महाधिवेशनको तयारी तीव्र पारिएको छ ।

आगामी चैत्त २८ गते प्रदेश नम्बर २ को अस्थायी राजधानी जनकपुरधामको बाह्रविघा (रँगभूमि) मैदानमा हुने प्रथम राष्ट्रिय महाधिवेशनमा पार्टीको अध्यक्ष पदको लागि डा. सिके राउतले (Dr. CK Raut) उम्मेदवारी दर्ता गराएका छन् ।

वर्तमानमै डा. सिके राउत नेतृत्वकै पार्टी रहेको जनमत पार्टीको प्रथम महाधिवेशनबाट नयाँ नेतृत्व चयनको लागि पुनः उनले अध्यक्षमा आफ्नो उम्मेदवारी दर्ता गराएका हुन् ।

बाह्रविघा मैदानमा जनमत पार्टीका स्वयँसेवकहरुले तीव्र रुपमा महाधिवेशन तयारी गरिरहेका छन् । पार्टीले खटाएको स्वयँसेवकहरु मैदानमा टेन्ट लगाउनेदेखि लिएर सुरक्षा घेराहरु बनाउने कार्यलाई तीव्रता दिएको हो ।

जनमत पार्टीको उपाध्यक्षको लागि विदेश विभागका प्रमुख समेत रहेका ईन्जिनीयर बसन्त कुशवाहाले (Basant Kushwaha) उम्मेदवारी दिएका हुन् । ई. कुशवाहा जनमत पार्टीको विदेश विभाग प्रमुख भएर काम गर्दै आएका छन् । पार्टीमा उनको लगाव र देनको उच्च मूल्याँकन गरिन्छ ।

महाधिवेशनको तयारीको लागि जनकपुरको बाह्रविघा मैदानमा उपाध्यक्ष पदका उम्मेदवार ई. बसन्त कुशवाहा र टिम

---

त्यस्तै, उपाध्यक्ष पदमै मो. अब्दुल खानले पनि उम्मेदवारी दर्ता गराएका हुन् । डा. राउतसँगै सधैं रहने अब्दुल खानले अधिवेशनमा उपाध्यक्ष पदमा उम्मेदवारी दिएका हुन् । यसअघि उनी पार्टीको प्रवक्ताको रुपमा कार्यभार सम्हाल्दै आएका छन् ।

डाक्टर र ईन्जिनीयरहरुले नै भरिएको पार्टी जनमत पार्टीको अधिवेशनको लागि ईन्जिनीयर दिपक कुमार साह, ई. नरेन्द्र प्रसाद चौधरीले समेत उपाध्यक्ष पदको लागि उमेदवारी दर्ता गराएका छन् ।

त्यसैगरी, महासचिव पदमा चन्दन कुमार सिंहले उमेदवारी दर्ता गराएका छन् । महासचिवको लागि सिँहले एक्लो उम्मेदवारी दिएको बुझिएको छ ।

सोही क्रममा सचिव पदमा ई. सुरेन्द्र नारायण यादव र केन्द्रिय सदस्य खुल्ला पदका लागि डा. सुवन्त कुमार कुश्वाहा, डा. विनय पँजीयार, सुर्यदेव यादव, रामकेश गुप्ता, सुरेन्द्र शर्मा मधेशी, मदनेश कुमार चौधरी लगायत ४६ जनाले उमेदवारी दर्ता गराएका छन् ।

त्यस्तै, गैर अवासिय मधेशी संघ (एनआरएमए) तर्फबाट केन्द्रिय सदस्य पदका लागि निर्मल कुमार मण्डल, धनबीर कुमार ठाकुर, शम्धुनाथ साह, बिनोद कुमार पासवान, बिरेन्द्र कुमार साहले आफ्नो उमेदवारी दर्ता गराएका छन् ।

उम्मेदवारीको क्रममा महिला तर्फबाट केन्द्रिय सदस्य पदका लागि अनिता कुमारी मण्डल, अनिता देबी, ललिता कुमारी यादव, अन्जनी देबी मण्डल, बिणा राई, बबिता कुमारी राउत, रौशन खातुन, आशा कुमारी मेहता, नसिमुन जहाँ शेख (जोया) जुलेखा बिबी, राधा कुमारी यादव, अनिता देवि, कोशिला देवि महतोले उमेदवारी दर्ता गराएका छन् ।

यही २०७७ चैत २८ गते जनकपुरधामको बाह्रबिग्घामा हुने जनमत पार्टीको प्रथम महाधिवेशमा अध्यक्ष पदका लागि डा. सिके राउत र महासचिव पदका लागि चन्दन सिंहले आफ्नो एक्कल उम्मेदवारी दर्ता गराएका हुन् ।

तराई मधेशमा डा. सिके राउत नेतृत्वको जनमत पार्टीलाई मधेशी जनताहरुले विशुद्ध राजनीति सहित रामराजको दृष्टिकोणले मन पराएका छन् ।

गत वर्ष भएको उप–निर्वाचनको क्रममा डा. राउतले गाउँस्तरमा दलित, गरिब, विपन्न र पिछडिएका व्यक्तिलाई उम्मेदवार खडा गरी सन्तोषजनक भोंट पाएर रामराजको अभ्यास सुरुवात गरेपछि मधेशी जनताहरुले उनलाई पत्याएका हुन् ।

जनमत पार्टीले निर्वाचन आयोगबाट चुनावको लागि लाउडस्पीकर छाप चुनाव चिन्ह पाएको छ ।