भाईबाटै आक्रमणमा परेका पत्रकार बख्तियारको अवस्था बिग्रदै

न्यूज ब्यूरो, सर्लाही । दुई दिन देखि लगातार मुखबाट रगत आए पछि डाक्टरको सल्लाह अनुसार आज पत्रकार महासंघ सर्लाहीका उपाध्यक्ष बख्तियार अलिको टाउको र छातिको जनकपुरमा सिटि स्क्यान गरिएको छ ।

एभिन्युज टेलिभिजन सर्लाहीका समेत सम्वाददाता बख्तियार अली माथि गएको बिहिबार साँझ आक्रमण भएको थियो ।

उहाँलाई ज्यान मार्ने मनसायले टाउकोमा हथौड़ा प्रहार गरिएको स्थानीय प्रत्यक्षदर्शीहरुले बताएका छन्। हथौड़ा प्रहारबाट पत्रकार अलीको टाउकोमा गम्भीर चोट लागेको छ भने शरिरका विभिन्न ठाउँ र दुवै खुट्टामा गहिरो चोट लागेको थियो ।

गम्भिर घाइते भएका पत्रकार अलिको मुखबाट दुई दिन देखि रगत आएपछि चिकित्सकको सल्लाह अनुसार सोमबार स्वास्थ्य परिक्षण गरिएको पत्रकार अनवर अह्मदले जानकारी दिए ।

मलंगवा नगरपालिका वडा १० स्थित आफ्नै घर अगाडी पत्रकार अलि माथि उहाकै सोहदर भाइले हमला गरेको थियो ।

पत्रकार अलीमाथि भएको आक्रमण निन्दनीय रहेको भन्दै नेपाल पत्रकार महासंघ सर्लाही शाखाका अधयक्ष विश्वनाथ ठाकुर तथा जिल्लाका अन्य पत्रकारहरुको संगठनले दोषीलाई पक्राउ गरी तत्कालै कारबाहीको माग समेत गरेका थिए ।