धनुषाको खजुरीका ईन्सपेक्टर 'रोकाया' एक्सनमा, दर्जनौ डिजे उठाएर गरे कारवाही

न्यूज ब्यूरो, जनकपुरधाम । धनुषाको इलाका प्रहरी कार्यालय खजुरीका इन्सपेक्टर (प्रहरी नीरिक्षक) हिरेन्द्र रोकायाको एक्सनपछि दर्जनौ डिजे र लाउडस्पीकर कारवाहीमा परेको छ ।

जिल्ला प्रहरी कार्यालय धनुषाले राती ९ बजेदेखि विहान ५ बजेसम्म हर्न, डिजे वा कुनै पनि लाउडस्पीकर बजाउन नपाउने निर्देशन दिएलगत्तै एक्सनमा आएका ईन्सपेक्टर रोकायाले दर्जनौ डिजेबालालाई कारवाही गरेको हो ।

निर्देशन जारी भएलगत्तै भोलीपल्ट नै ४ वटा डिजेलाई कारवाही गरेका ईन्सपेक्टर रोकायाले पुनः ४ दिनमै एक दर्जन डिजे र डिजेबालालाई कारवाही स्वरुप मेसिन उठाएका छन् ।

इलाका प्रहरी कार्यालय खजुरीभित्र पर्ने ठाउँहरुमा कडा निगरानी र कडा पेट्रोलिँग गरी बिहे वा अन्य प्रयोजनमा चर्को साउण्डमा डिजे बजाएको भन्दै डिजेको मेसिनहरु उठाएर इलाका प्रहरीमा थन्काएका छन् ।

डिजे मालिकलाई आइन्दा तोकिएको समयमा नबजाउने गरी कागज गरी मात्र मेसिन दिने गरेको जनाइएको छ । न्यूज ब्यूरोसँगको कुराकानीमा इन्सपेक्टर रोकायाले माथिको निर्देशनलाई कडा रुपमा लागू गरिएको बताए ।

“जिल्लाकै निर्देशन छ, निर्देशन बमोजिम राती ९ बजेदेखि बिहान ५ बजेसम्म विभिन्न ठाउँमा म स्वयँम पुग्ने गरेको छु । पुग्न नसकेको ठाउँमा घुमुवा टोली पठाएर डिजेको मेसिनहरु उठाएर कारवाही गरेको छु । निर्देशन नमान्नेलाई जिल्ला पठाउनेछु ।”– इस्पेक्टर रोकायाले बताए ।

डिजेको कारण स्वास्थ्यमा गम्भिर असर परेको तथा आम जनसमुदाय, छरछिमेकलाई मार्का हुन थालेपछि व्यापक जनगुनासोको आधारमा जिल्ला प्रहरी कार्यालय धनुषाले राती ९ बजेदेखि विहान ५ बजेसम्म डिजे, हर्न, एण्डको लगायतका चर्को स्वरको बाजा प्रतिबन्ध गरेको हो ।