मोसा दुर्घटनामा चालकको घटनास्थलमै मृत्यू

न्यूज ब्यूरो ||
धनुषा, ८ फागुन । धनुषामा मोटरसाईकल दुर्घटना हुँदा एक जनाको घटनास्थलमै मृत्यू भएको छ ।

धनुषाको सबैला नगरपालिका वडा नं. ४ पटेर्वा र सबैलाको बीचमा रहेको पुलमा मोटरसाईकल अनियन्त्रीत भएर दुर्घटना भएको प्रहरीले जनाएको छ ।
जनकपुर उपमहानगरपालिका वडा नं. १८ महुवा बस्ने बर्ष २५ का राजु मुखियाको घटनास्थलमै मृत्यू भएको जनाइएको छ ।

सोमबार राती करिब ११ बजेको समयमा जयन्ती गइरहेको मुखियाको ज ७ प ३७२० नम्बरको मोटरसाईकल अनियन्त्रीत भई दुर्घटना हुँदा घटनास्थलमै मृत्यू भएको जिल्ला प्रहरी कार्यालय धनुषाले जनाएको छ ।

जयन्ती गइरहेको बेला मुखिया मदिरा सेवन गरी सवारी चलाउँदै गरेको सवारी अनियन्त्रीत भएको थियो ।

मृतक मुखियाका शवलाई पोष्टमार्टमका लागि जनकपुरमा अञ्चल अस्पतालमा ल्याइएको छ भने पोष्टमार्टम पश्चात परिवारजनलाई शव बुझाउने प्रहरीले जनाएको छ ।