प्रदेश २ः क्लासबाट निकालेर फिल्डमा घिसार्दै विद्यार्थीलाई निर्मतापूर्वक कुटपिट

न्यूज ब्यूरो, बारा । अम्बा टिपेको निहुँ कलैयामा एक विद्यार्थीलाइ स्थानियलाइ निर्मम कुटपिट गरेको छन् ।

बारा जिल्लाको कलैया उपमहानगरपालिकास्थित श्री पान्ना देवि माविको कक्षा ७ मा अध्ययनरत विद्यार्थी रेहान हवारि सहनलाइ विद्यालय छेउ बसोबास गर्ने अभय कुमार पाण्डेले कुटपिट गरेका हुन् ।

मंगलबार दिउँसो कक्षाकोठाभित्र प्रवेश गरि पाण्डेले विद्यार्थी हवारीलाइ कुटपिट गरेको बताइएको छ । प्रत्यक्षदर्शीहरूका अनुसार कक्षाकोठाबाट जबरजस्ती फिल्डमा ल्याइ विद्यार्थी हवारी उपर कुटपिट भएको हो ।

विद्यालय छेउमा रहेको पाण्डेको घरमा अम्बाको बोट छ । खाजा खाने समयमा विद्यार्थीहरूले अम्बा टिप्ने प्रयत्न गरेका थिए ।

स्थानियहरूका अनुसार पाण्डेको अम्बो बोटमा फल छैन । उनले पुरानो रिसैवी साँध्नका लागि विद्यार्थी हवारीलाइ कुटेको हुनसक्ने बुझिएको छ ।

कुटपिटबाट गम्भीर घाइते भएका हवारीको बीरगन्जस्थित न्युरो अस्पतालमा उपचार भइरहेको छ । विद्यार्थी कुटपिट गर्ने अभियुक्तलाइ बुधबार पक्राउ गरि अनुसन्धान भइरहेको जिल्ला प्रहरी कार्यालय बाराले जनाएको छ ।