जनकपुरको मोनाष्टिक स्कुलको उत्कृष्टतामा 'रेकर्ड'

न्यूज ब्यूरो ||
जनकपुरधाम, ६ फागुन । जनकपुरको मोनाष्टिक आवासीय विद्यालय एक प्रतियोगितामा सबैभन्दा बढी पुरस्कार हाँसिल गरी उत्कृष्ट स्थान प्राप्त गरेको छ ।

रुपन्देही जिल्लाको एपेक्स स्कुलले आयोजना गरेको "कनेक्टीँग अर्थली स्टार्स २०१८" प्रतियोगितामा जनकपुरबाट सहभागी मोनाष्टिक स्कुलका छात्रछात्राहरुले उत्कृष्ट स्थान ल्याएको छ ।

विद्यालयका अस्मित साह, श्रुति यादव, अनिता यादव र श्रुति साह लगायतका विद्यार्थीहरुले ३ दिवसीय प्रतियोगिताको क्रममा उत्कृष्टता प्रदर्शन गर्दै पुरस्कृत हुन सफल भएको हो ।

प्रतियोगितामा भाग लिएका अन्य जिल्लाका विद्यालयहरुलाई उच्छिन्दै मोनाष्टिकले उत्कृष्टता प्रदर्शन गरेको हो ।

विद्यालयबाट कक्षा ६ ए का अस्मित साहले रन टु द बोर्ड, स्क्रेवल गेम, जिगसो क्वीजमा प्रथम स्थान हाँसिल गरेको हो ।

यस्तै, कक्षा ७ ए की श्रुति यादवले जिगसो क्वीजमा प्रथम तथा डिबेटमा दोस्रो स्थान हाँसिल गर्न सफल भएको विद्यालयका प्रबन्धक निर्देशक डा. सोनु कुमार साहले बताए ।

साहका अनुसार, कक्षा ६ सि की अनिता यादवले समेत रन टु द बोर्ड मा प्रथम पुरस्कार जित्न सफल भएकी हुन् ।

कक्षा ७ एफ की श्रुति साहले भने कोलेबोरेटिभ जिँगल मा समेत प्रथम स्थान हाँसिल गर्न सफल भएकी हुन् ।

देश भरिका विभिन्न विद्यालयहरुको सहभागिता रहेकोमा जनकपुरका मोनाष्टिक स्कुलले प्रतियोगितामा रेकर्ड कायम गरेका छन् ।