राजपाका नेता झाको प्रेसमाथि अँकुश, ज्यान मार्ने धम्की !

न्यूज ब्यूरो ||
जनकपुरधाम, ५ फागुन । रौतहट निर्वाचन क्षेत्र नम्बर १ बाट निर्वाचित सांसद एवं राजपा नेपाल पार्टीको अध्यक्ष मण्डलका सदस्य अनिल कुमार झाले प्रेस स्वतन्त्रतामाथि अंकुश लगाउँदै पत्रकारलाई ज्यान मार्ने धम्की दिएका छन् ।

नेपाल पत्रकार महासंघ रौतहट शाखाका जिल्ला कार्य समिति सदस्य एवं अनलाइन विधुतीय पत्रिकाआजतक मधेश डटकमका संपादक संजय सहनीलाई नेता झाले ज्यान मार्ने धम्की दिएका छन् ।

पत्रकार सहनीले राजपामा विवाद अनिल कुमार झाले श्रीमतीलाई जसरी भएपनि मन्त्री बनाउन अडान, शिर्षक नामक समाचार र आफ्नो फेसबुक पेज मा राजपा अध्यक्ष मंडलका अध्यक्ष झा आफ्नो श्रीमतीलाई मन्त्री बनाउनको लागि अनशनमा, प्रदेश सरकार गठन प्रक्रिया प्रभावित, उपेन्द्र यादव परेसान हैरान, बाम र काँग्रेसको सम्झना नामक व्यंगयात्मक स्टेटस पोस्ट गरे कै भरमा पछि सांसद झाले सहनीको मोबाइल नम्बर ९८५५०४०८७२ मा ९८५१०५०३५७ नम्बरबाट फोन गरेर धमकी दिएको जनाइएको छ ।

यता, पत्रकार महासँघ रौतहट शाखाले उक्त कुरा गैर जिम्मेवार र संविधानले प्रदत अधिकारलाई कुण्डित एवं दुरुपयोग गरेको हुनाले प्रेस विज्ञप्ती जारी गर्दै निज झा माथि कानुनी कारवाहिको लागि माग गरेको छ ।

नेता झाले अपशव्द प्रयोग गर्दै भौतिक कार्यवाही गर्ने धम्की दिएको अडिओ रेकर्ड सहित पत्रकार सहनीले नेपाल पत्रकार महासंघ रौतहट शाखालाई जानकारी गराएपछि २४ घण्टा पछि सो शाखाले प्रेस स्वतन्त्रताको रक्षाको लागि कदम चालेको हो ।

गत विहिवार राति १० बजेको समयमा सांसद झाले फोन गरेर धमक्याएको पत्रकार सहनीको भनाइ रहेको छ ।

फोन रेकार्डमा सांसद झाले मैले अनसन बसेको भनी कस्ले बताएको जिकिर गरेका छन ।

मेरो या पत्नीको बारेमा जथाभावी समाचार नलेख्नु, मेरो पार्टीमा के भयो तिमीलाई के मतलब, मैले कसैको आमाले अनैतिक कार्य गरेको भनी पोस्ट गरे पछि के हुने छ ।

५० वर्षको उमेर भएकोमा ३० वर्ष देखि आन्दोलनमा रहेको हुदा फर्सीको कलि न सम्झनु जसलाई औला देखाएमा सुकेर जान्छ, भौतिक कारवाहि सहित जे पनि गर्न सक्छौ भनेको रेकर्ड बाट पुस्टि भइरहेका छन ।

केहि दिन उता पूर्व मन्त्री समेत रहेका अनिल झाले पत्नी डिम्पल झालाई समानुपातिक सांसद बनाएको र प्रदेशको सरकारमा मन्त्री नै हुनुपर्ने अडान गरेपछि मधेश आन्दोलनमा सक्रिय, शहिद परिवार, पार्टीका समर्थक सहित पार्टीका सदस्यहरु असंतुष्ट भैरहेको कुरा सेलाउन सकेको छैन् ।

समाचार :आजतकमधेस