महोत्तरीका पत्रकार भण्डारीलाई 'खेलकूद पत्रकारिता पुरस्कार'

न्यूज ब्यूरो, जलेश्वर । महोत्तरीका पत्रकार रँजन भण्डारीलाई युवा तथा खेलकूद मन्त्रालयले खेलकूद पत्रकारिता पुरस्कारबाट सम्मानित गरेको छ ।

महोत्तरीमा विभिन्न जल्दोबल्दो मुद्दालाई उठान गरी पत्रकारिता क्षेत्रमा सक्रिय भण्डारीलाई गत माघ १९ गतेको मन्त्रीस्तरीय बैठकबाट प्रदेश २ बाट भण्डारीलाई खेलकूद पत्रकारिता पुरस्कार प्रदान गरेको हो ।

महोत्तरीको सानोदेखि ठुलो मुद्दाहरुलाई विभिन्न समयमा जागृत गर्दै आएका साप्ताहिक पत्रिका खेलकूदका पत्रकार भण्डारीलाई प्रदेशबाट छनौट गरी पुरस्कार प्रदान गरिएको हो । उनलाई खेलकूद पत्रकारिता प्रोत्साहन स्वरुप पुरस्कार प्रदान गरिएको जनाइएको छ ।

पत्रकार भण्डारीले खेलाडीहरुलाई प्रोत्साहन सहित जलेश्वरको रँगशालाको जिर्णोद्धार सम्बन्धी समाचार मार्फत मुद्दा उठान बारम्बार गर्दै आएका छन् । यसका साथै उनले वर्तमान परिवेशमा युवा पुस्ताहरु लागू औषधतर्फ उन्मुख भएको बेला यसलाई निरुत्साहित गर्नको लागि निरन्तर कलम चलाउँदै आएका छन् ।

प्रदेश नम्बर २ बाट भण्डारीलाई खेलकूद पत्रकारिता पुरस्कार दिएपछि उनलाई समाजिक सँजाल, फोन मार्फत बधाई दिइरहेको छ ।