स्टीँग अपरेशनः 'खुश्वु लज' मा खुल्लेआम यौनधन्दा, अनुहार हेरेर लगाइन्छ रेट (भिडियो)

न्यूज ब्यूरो, सिरहा । सिरहाको विभिन्न शहरी क्षेत्रमा खुल्लेयाम यौनधन्दाको समाचार विभिन्न समयमा आएको देखिन्छ । सिरहाको गोलबजार, लहान, मिर्चैयामा होटल तथा लजहरुमा यौनधन्दा सँचालन हुँदै आएकोमा राजमार्ग छेउमा समेत केही होटल तथा लजमा यौनधन्दा सँचालन भएको देखिएको छ ।

सिरहाको धनगढीमाई नगरपालिका वडा नं. ११ छपराही स्थित रहेको खुश्वु लज एण्ड होटलमा बाहिरबाट यौनकर्मीहरुलाई बोलाएर यौन धन्दा सँचालन गरेको देखिएको छ । न्यूज ब्यूरोले गरेको स्टीँग अपरेशनमा यौनधन्दा सँचालन भएको पाइएको छ ।

पूर्व पश्चिम राजमार्गमै छपराही स्थित राजमार्गको उत्तरपट्टि रहेको खुश्वु लजमा खुल्लेआम यौनधन्दा सँचालन भएको देखिएको हो । स्थानीय सहित केही व्यापारीहरुले समेत त्यहाँ खुल्लेयाम यौनधन्दा सँचालन भएको गोप्य सूचना दिएपछि न्यूज ब्यूरो सिरहाका अपरेशन टिमका सबिन यादवले स्टीँग अपरेशन गरेका थिए ।

शुक्रबार दिउँसो गरिएको स्टीँग अपरेशनको क्रममा खुश्वु लज एण्ट होलटमा जाँदा त्यहाँ बसेको साहु÷साहुनीले यौन प्यास मेटाउनको लागि अफर गरिरहेको देखिएको छ । भिडियो स्टीँग अपरेशनको क्रममा त्यहाँ बसेकी एक महिलाले भित्र जान आग्रह गर्छिन् ।

न्यूज ब्यूरो अपरेशन टिमका सबिन यादवले सडकबाटै हिडेन क्यामेराको सहाराले भित्रसम्मको दृश्य कैद गर्न सफल भएका छन् । भिडियोमा होटलमा प्रवेश गरे लगत्तै “जाने हो” भनेर सोधिन्छ । कुर्शीमा बसेकी एक महिलाले यौन भित्र गएर यौन क्रियाकलापको लागि अफर गरिएको देखिएको छ ।

भिडियो हेर्नुहोस् ।

त्यसपछि न्यूज ब्यूरोकर्मी यादवले हिडेन क्यामेरा सहितै यौनकर्मी महिला÷युवतिहरु राखिएको कोठाको गेटमा जान्छन् । त्यतिबेला यौनकर्मीहरु मेकअप गरिरहेको देख्न सकिन्छ । उनले हेरेर बाहिर निस्केपछि स्टीँग अपरेशनको बारेमा भन्दै रहन्छन् ।

पुनः भित्रबाट रिसेप्सन तर्फ आउँदा केही बोल्दा एक पुरुषले हिन्दीमा कुरा गरिरहेको सुन्न सकिन्छ । उनले पनि पत्रकार यादवलाई “गर्नु छ भने भित्र जानुस, गइहाल्नुस न” भनेर भन्छन् । तर, पत्रकार यादवले आफूसँग पैसा नभएर साथीसँग भएको भन्दै साथीलाई बोलाउने अभियन गर्छन् ।

त्यो बीचमा उनले रेट कति हो भनेर सोधेपछि त्यही बसेकी महिलाले १२०० सय रुपैयाँ लाग्ने भनेर जवाफ फर्काउँछिन् । पत्रकार यादवले भन्छन्, “मैले त २००० सम्म लाग्छन की भने सोचे थिए, १२०० रहेछ है” भनेर भन्छन् ।

ईलाका प्रहरी कार्यालय धनगढीदेखि करिब १ किलोमिटरको मात्र दुरीमा रहेको छपराही चोकमै खुल्लेआम यौनधन्दा हुँदा पनि प्रहरी प्रशासन चुप लादेर बसेकोमा एक व्यापारीले शंका जाहेर गरे । नाम नखोल्ने शर्तमा उनले यसमा प्रहरीले पनि महिनबारी रकम उठाएर यौनधन्दा गर्न दिएको बताए ।

यसअघि गोलबजार स्थित रहेको एक होटलमा समेत खुल्लेआम यौनधन्दा सँचालन हुँदै आएकोमा न्यूज ब्यूरोबाट गरिएको स्टीँग अपरेशनपछि प्रहरी हर्कतमा आएको थियो ।