अनिल कपुरको नायक फिल्म जस्तै साँच्चिकै एकदिनको लागि मुख्यमन्त्री बन्दै सृष्टि

२०७७ माघ ११ आइतबार
बिहान ०८:०८ बजे
न्यूज ब्यूरो, नेपाल

न्यूज ब्यूरो, जनकपुरधाम । बलिवुड फिल्ममा अभिनेता अनिल कपुरले एक दिनको लागि मुख्यमन्त्री (सिएम) बनेको देखेका थियौं । आज साँच्चिमै एक किशोरी एक दिनको लागि मुख्यमन्त्री बन्दैछिन् । 

छिमेकी मुलुक भारतको उत्तराखण्डमा आज (आईतबार) एक १९ वर्षीया किशोरी साँच्चिकै एक दिनको मुख्यमन्त्री बन्दैछिन् । फिल्ममा अनिल कपुरलाई एक दिनको लागि मुख्यमन्त्री बन्ने अवसर भारतको संविधान अनुसार गरिएको देखाइएकोमा आज वास्वतमै सुष्टि गोस्वामीलाई एक दिनको लागि मुख्यमन्त्री बनाइने भएको छ । 

उत्तराखण्डको हरिद्वार जिल्लाको दौलतपुर गाउँकी सृष्टि गोस्वामी Srishti Goswami लाई उत्तराखण्ड सरकारले नै एक दिनको मुख्यमन्त्री बनाउन लागेको हो । २४ जनवरीमा राष्ट्रिय बालिका दिवसको अवसरमा सृष्टिलाई उत्तराखण्डको एक दिनको मुख्यमन्त्री बनाउन लागिएको उत्तराखण्ड बाल अधिकार संरक्षण आयोगकी अध्यक्ष उषा नेगीलाई उदृत गर्दै भारतीय सँचारमाध्यमहरुले समाचार प्रकाशित गरेको छ । 

प्रतिकात्मक भए पनि उनी उत्तराखण्डको पहिलो महिला मुख्यमन्त्री हुनेछिन् । उनी बाल विधानसभामा मुख्यमन्त्रीको रुपमा सहभागी हुनेछिन् र सरकारका अलग–अलग विभागले आयोजना गर्ने कार्यक्रममा पनि सहभागी हुनेछिन् । सो अवसरमा विभागका अधिकारीहरुले आफ्नो कामबारे ब्रिफिङ गर्नेछन् भने त्यसमा एक दिनको मुख्यमन्त्री सृष्टिले सुझाव दिनेछिन् ।

उत्तराखण्डका मुख्यमन्त्री त्रिवेन्द्र सिंह रावत पनि यो कार्यक्रममा सहभागी हुनेछन् । उत्तराखण्ड विधानसभा भवनको एक सभाहलमा हुने यो कार्यक्रम भारतीय समयअनुसार मध्याह्न १२ बजेदेखि ३ बजेसम्म चल्ने जनाईएको छ । 

उत्तराखण्ड बाल अधिकार संरक्षण आयोगकी अध्यक्ष उषा नेगीका अनुसार एक दिनको मुख्यमन्त्री बनाउनुको उद्देश्य बालिकाहरुको सशक्तीकरणका लागि जागरुकता फैलाउनु रहेको छ । 

उत्तराखण्डको एक दिनको मुख्यमन्त्री बन्ने भएपछि सृष्टि गोस्वामी अहिले सामाजिक सन्जालमा भाइरल भएकी छन् । उनले सामाजिक सन्जालमै एक बयान जारी गर्दै भनेकी छन्, ‘एक दिनको मुख्यमन्त्री बन्ने अवसर पाउँदा म एकदम खुसी छु । मैले खासगरी बालिका सुरक्षासँग सम्बन्धित सुझावहरु उत्तराखण्ड सरकारलाई दिनेछु ।’

यसअघि सृष्टिलाई सन् २०१८ मा उत्तराखण्ड बाल विधानसभाको मुख्यमन्त्री चुनिएको थियो । उत्तराखण्डमा बाल विधानसभा गठनको कार्यक्रम बाल अधिकार संरक्षण आयोगले गर्दछ । जसमा प्रदेशका अलग अलग स्थानबाट छात्राहरुले सहभागीता जनाउँछन् र आफैंले विधानसभा सन्चालन गर्दछन् ।

  • 12%
  • 1%
  • 2%
  • 7%
  • 0%
  • 2%

जनकपुर प्रादेशिक अस्पतालमा कोभिड विरामीको मृत्यूपछि कर्मचारीमाथि हातपात, भेन्टिलेटर तोडफोड 

  • २०७७ माघ ११ आइतबार

न्यूज ब्यूरो, जनकपुरधाम । कोभिडको महामारीमा सँजीवनको रुपमा आश्रय दिदै आएको जनकपुरको प्रादेशिक अस्पतालमा एक कोरोना विरामीको मृत्यू भएपछि तोडफोड गरिएको छ ।  प्रादेशिक अस्पताल जनकपुरको कोभिड अस्पतालमा मँगलबार (आज) साँझ

पूरा पढ्नुहोस्

Bureau Menus