फुटबलमा बल्टिया टिम विजयी

विनय कुमार यादव, न्यूज ब्यूरो ||
धनुषा, २ फागुन । धनुषाको नौसय विघामा सम्पन्न फुटबल टुर्नामेन्टमा बल्टियाले विजयी हाँसिल गरेको छ ।

धनुषाको धनुषाधाम नगरपालिका वडा नं. ५ नौसय विघामा आज भएको क्षीरेश्वर स्पोर्ट क्लब महेन्द्रनगर र उत्तरवाहिनी समाजसेवा युवा क्लब बल्टियाबीचको खेलमा बल्टिया टिम १- ० गोल अन्तरले विजयी भएका हुन् ।

गत माघ १५ गतेदेखि सुरु भएको फुटबल टुर्नामेन्टको आज अन्तिम खेलमा बल्टियाले विजयी हाँसिल गरी कप जितेका छन् ।
विजयी टिमलाई प्रथम पुरस्कार स्वरुप कप र रु. २१ हजार नगद प्रदान गरिएको छ ।

वडासदस्य सुशिल यादवले विजेता टिमका कप्तानलाई पुरस्कार हस्तान्तरण गरेका थिए ।

विजेता टिम र दोस्रो हुने टिमलाई अबिर माला लगाई सम्मान समेत गरेका थिए भने दोस्रो हुने महेन्द्रनगर टिमलाई रु. ११ हजार रुपैयाँ सहित कप प्रदान गरेको थियो ।

खेलाडीहरुलाई मेडल समेत लगाइएको थियो भने लाइट स्पोर्ट क्लबका अध्यक्ष राम पुकार यादव (बाबा) ले दुवै टिमका खेलाडीलाई बधाई पनि दिए ।