'राजाराम यादव' ओलीको पाल्तु : युवा नेता यादव

न्यूज ब्यूरो, जनकपुरधाम । जनता समाजवादी पार्टीका सिरहाका एक नेतलाई सोही पार्टीका एक युवा नेताले केपी ओलीको पाल्तु भएको आरोप लगाएका छन् ।

जनता समाजवादी पार्टीका पार्षद सदस्य एवम् युवा नेता नविन कुमार यादवले जसपाका अध्यक्ष उपेन्द्र यादवसँग अभ्रद तवरले टेलिफोन कुराकानी गरी पार्टी भित्रै द्धन्द्ध फैलाउन चाहेको आरोप लगाएका छन् ।

उनले शनिबार आफ्नो फेसबुकमा एक स्टाटस लेख्दै अध्यक्ष उपेन्द्र यादवसँग टेलिफोन मार्फत सिरहामा कालो झण्डा देखाउने जस्ता धम्की दिने व्यक्ति जसपाको नभएर केपी ओलीको पाल्तु भएको लेखेका छन् ।

उनले –“पार्टी अध्यक्षलाई पनि अमर्यादित, अनुशासनहिन तरिकाले प्रस्तुत हुने मान्छे जसपाको कार्यकर्ता हुनै सक्दैन र पक्कै पनि ओलिको पाल्तु गुण्डा हुनुपर्छ। यस्तालाई हामी कारबाही गर्दै मधेस बाट लखेट्नु पर्छ।”– उनले लेखेका छन् ।

शुक्रबार विभिन्न सँचार माध्यमहरुमा जसपाका अध्यक्ष उपेन्द्र यादवले तत्कालिन राजपाका सिरहाका नेता एवम् राजपाको मजदुर सँगठनका अध्यक्ष समेत रहेका राजाराम यादवले टेलिफोन रेकर्ड सार्वजनिक गरेपछि अहिले अझै विवाद चुलिएको छ ।

माघ ३ गत (आज) को पूर्व निर्धारित समय अनुसार सिरहामा गरिने भएको विरोध सभामा उपेन्द्र यादवलाई कालो झण्डा देखाउने भन्दै फोन मार्फत भनेका थिए । यादवले तत्कालिन राजपाका अध्यक्ष एवम् वर्तमान जनता समाजवादी पार्टीका नेता तथा पूर्व साँसद राजकिशोर यादवलाई आसन ग्रहण एवम् बरियताको लागि तल राखेको भन्दै विरोध जनाएका थिए ।

अडियो लिक भएपछि राजाराम यादवलाई कसैले नेपाली काँग्रेसको कार्यकर्ता भएर जसपामा भाँडभैलो गर्न खोजेको भन्दै आरोप लगाएका छन् भने कसैले केपी ओलीको नेकपाको सुराकी गर्ने गरेको आरोप लगाएका छन् ।

श्रोतका अनुसार, राजाराम यादव तत्कालिन जसपा देखि लिएर बर्षौदेखि राजकिशोर यादवको निकटम व्यक्तिको रुपमा रहँदै आएको छ ।