धनुषाः क्रिकेट प्रीमियर लिग टुर्नामेन्टमा नौसयविघा बिजयी

न्यूज ब्यूरो, जनकपुरधाम । धनुषाको धनुषाधाम नगरपालिका वडा नं. ५ का बजरंग युवा कल्ब द्वारा संचालित क्रीकेट प्रीमयर लिग टुर्नामेन्ट फाईनल खेलमा नौसय बिघा क्रीकेट टिम विजय भएका छ्न ।

क्रिकेट प्रीमियर लीग टुर्नामेन्ट प्रतियोगिता अन्तर्गत नौसय विघा क्रीकेट टिम र ललिया क्रीकेट टिम बिच फाईनल खेल भएको थियो । खेलमा १२ ओटा टिम सहभागी भएको थियो ।

कार्यक्रमको अध्यक्षता बजरंग युवा क्लबको अध्यक्ष रामपुकार यादव तथा प्रमुख अतिथि समाजसेवी श्री कृष्ण यादव रहेका थिए । अध्यक्षता गर्दै अध्यक्ष यादवले चाडपर्वको अवसर पारेर आयोजना गरेको क्रीकेट टुर्नामेन्ट प्रतियोगितामा प्रथम हुने टिमलाई २५ हजार ५१ रुपैया नगद सहित ट्रफी, मेडल लगायत पुरुस्कार वितरण गरिएको हो । यस्तै, दोस्रो हुनेलाई १५ हजार ५१ रुपैया प्रदान गरिने अध्यक्ष यादवले बताए ।

प्रमुख अतिथि समाजसेवी श्री कृष्ण यादवले खेल मानव जिवनमा स्वास्थ्यका लागि खेलकुद अनिवार्य रहेको बताए । समाजसेवी समेत रहेका यादवले खेलकुद औषधि स्वरुप काम गर्ने खेलमा सहभागी सबै टिमलाई बधाई साथै शान्तिपुर्ण रुपले खेल सम्पन्न गरेको भन्दै आयोजक टिमलाई धन्यवाद पनि दिए ।

खेलको क्रममा उत्कृष्ट खेलाडीलाई म्यान द म्याच ललिया टिमका खेलाडी रबिन्द्र ठाकुर पाएका थिए । विभिन्न विद्यामा उत्कृष्ट गर्नेलाई समेत पुरस्कार र सम्मान समेत गरेका थिए । बेस्ट बलर, बेस्ट ब्याट्सम्यान , म्यानअफ लगायतका विद्यामा पुरस्कार समेत दिएको हो ।

कार्यक्रममा वडा सद्स्य सुशील यादव,जैसी यादव ,नागेन्द्र सिंह लगायत बुद्धिजीवी ,शिक्षाप्रेमी खेलाडी र स्थानीय जनसमुदायको उपस्थितिमा टुर्नामेन्टको समापन गरिएको हो ।