धनुषाको विदेहमा मेयरकप क्रिक्रेट सुरु, प्रथम खेलमा बीरेन्द्रबजार विजयी

न्यूज ब्यूरो, जनकपुरधाम । धनुषाको विदेह नगरपालिकाद्धारा प्रथम मेयर कप क्रिक्रेट प्रतियोगिता सोमबारदेखि सुरु भएको छ ।

सोमबार एक कार्यक्रमबीच नगरपालिकाका मेयर बेचन दासले मेयर कप क्रिक्रेट प्रतियोगितालाई उदघाटन गरेका हुन् । विदेह नगरपालिकाको वडा नं. ५ मुडिबा फिल्डमा आयोजना गरिएको मेयर कप क्रिक्रेटमा विभिन्न जिल्लाबाट क्रिकेट टिमहरु सहभागी भएका छन् ।

सोही क्रममा प्रथम दिन महोत्तरीको रामगोपालपुर भर्सेज धनुषाको वीरेन्द्रबजार टिमबीच भएको खेलमा बीरेन्द्रबजार टिम १८ रनले विजयी हाँसिल गरेको छ । वीरेन्द्रबजारले रामगोपालपुरलाई दिएको १ सय८३ रनको लक्ष्य पछयाउँदै रामगोपालपुरले १ सय ६५ रनमै अल आउट भएपछि बीरेन्द्र बजार जीत हात पारेको हो ।

खेलमा बीरेन्द्रबजारका रुस्तमले एक्लै ६५ रन लिएर म्यान अफ दी म्याच घोषित भए भने अजिजुलले एक्लै ४ विकेट लिएका थिए । पुस २१ गते मँगलबार भने सिरहा र जनकपुरधाम भिडने भएको छ ।

प्रतियोगितामा प्रथम हुने टिमलाई ५५००० नगद, कप र मेडल, दोस्रो हुनेलाई ३५००० रुपैयाँ नगद सहित मेडल कप प्रदान गरिने छ ।