धनुषाधाममा प्रदेश स्तरीय मेयरकप फुटबल प्रतियोगिता, जित्नेलाई १ लाख पुरस्कार

न्यूज ब्यूरो, जनकपुरधाम । धनुषाको धनुषाधाम नगरपालिकामा प्रदेश स्तरीय मेयरकप फुटबल प्रतियोगिता हुने भएको छ ।

धनुषाधाम नगरपालिकाको सहकार्य र धनुष शान्ति समाज युवा क्लबको समन्वयमा आगामी पुस २२ गतेदेखि प्रदेशस्तरीय मेयरकप फुटबल प्रतियोगिता हुने भएको छ ।

खेलमा जिल्लाबाट १ ओटा टिम गरि जम्मा ८ ओटा टिम सहभागी गराईने क्लबका अध्यक्ष लक्ष्मी साहले जानकारी दिए ।

“जिल्लामा ठूलो धनराशी भएको प्रतियोगिता हो । खेलमा प्रथम हुने टिमलाई १ लाख ११ हजार १११ रुपैयाँ दिइनेछ भने दोस्रो हुनेलाई ५५ हजार ५५५ पुरस्कार राखिएको छ । खेल ग्राउन्ड धनुष जनता उच्च माध्यमिक बिधालय धनुषाधाममा हुने साहले बताए

खेलको क्रममा उत्कृष्ट खेलाडीलाई पुरस्कारको व्यवस्था सहित विभिन्न विद्यामा उत्कृष्ट गर्नेलाई समेत पुरस्कार र सम्मान गरिने जनाइएको छ । म्यान अफ दी म्याय, उत्कृष्ट खेलाडी, उत्कृष्ट गोल किपर लगायतलाई पनि पुरस्कार दिइने छ ।