धनुषाको विदेह नगरपालिकाद्धारा मेयर कप क्रिकेट हुँदै

न्यूज ब्यूरो, जनकपुधाम । धनुषाको विदेह नगरपालिकाको आयोजना मेयर कप क्रिकेट प्रतियोगिता हुने भएको छ ।

आगामी पुस २० गतेदेखि विदेह नगरपालिकाको वडा नम्बर ५ मुडिबामा मेयर कप क्रिकेट प्रतियोगिताको आयोजना गरिने नगरपालिकाका मेयर बेचन दासले बताए ।

उनले आयोजना गरिने प्रथम मेयर कप प्रतियोगितामा विभिन्न नगरपालिका, गाउँपालिकाको क्रिकेट टिमको सहभागीता रहने जनाए । क्रिकेट प्रतियोगिताको लागि पुरस्कारको समेत व्यवस्था गरिएको जनाइएको छ ।

जसमा प्रतियोगितामा प्रथम हुने टिमलाई ५५००० नगद, कप र मेडल, दोस्रो हुनेलाई ३५००० रुपैयाँ नगद सहित मेडल कप प्रदान गरिने छ ।

प्रतियोगितामा सहभागी हुनको लागि विभिन्न क्रिकेट टिमलाई पत्राचार समेत गरिएको जनाइएको छ । पुस २० गते उदघाटन खेल हुनेछ ।