खेलाडीले देश चिनाउँछ : मेयर पँजियार

न्यूज ब्यूरो ||
धनुषा, १ फागुन ।
क्षीरेश्वरनाथ नगरपालिकाका मेयर योगेन्द्र पँजियारले खेलाडी विश्व सामु देश चिनाउने माध्यम रहेको बताएका छन् ।

धनुषाको क्षीरेश्वरनाथ नगरपालिकाको महेन्द्रनगरमा आजदेखि सुरु भएको क्रिकेट टुर्नामेन्ट प्रतियोगितालाई मेयर पँजियारले उद्घाटन गर्दै खेलको माध्यमबाट देशलाई विश्व सामु चिनाउन सकिने भएकोले खेलाडी देशको लागि शान्तिदुत भएको बताए ।

खेलको माध्यमबाट विश्वमा शान्ति ल्याउन सकिने भएकोले सहभागी टिमका खेलाडीलाई उनले प्रसँसा गरे ।

महेन्द्रनगर क्रिकेट टीमद्धारा आयोजित क्रिकेट टिममा धनुषाका विभिन्न स्थानबाट त्रिकेट टिमको सहभागिता रहेको छ ।
प्रतियोगिताको उद्घाटन खेल आयोजक टिम र जनकपुर बेला भिडने भएको छ ।