नयाँ लाईसेन्सको अनलाईन फाराम खुल्दै

न्यूज ब्यूरो, जनकपुरधाम । यातायात व्यवस्था विभागले नयाँ लाईसेन्सको फाराम खोल्ने सूचना जारी गरेको छ ।

भौतिक पूर्वाधार तथा यातायात मन्त्रालको यातायाता व्यवस्था विभागले आगामी पुस १४ गते मँगलबारदेखि नयाँ लाईसेन्सको फाराम खोल्ने गरी सूचना प्रकाशित गरेको हो ।

विभागका प्रवक्ता एवम् निर्देशक डा. लोकनाथ भुसालद्धारा हस्ताक्षरित सूचनामा गत वर्षको चैत्त १० गतेदेखि नै बन्द भएको लाईसेन्सको परीक्षा यस बर्षको पुस १४ गते मँगलबारदेखि खोलिने भएको छ ।

विश्वव्यापी कोरोना महामारीका कारण रोकिएको नयाँ लाईसेन्सको अनलाईन फाराम खुल्ने भएपछि सवारी चालक सेवाग्राहीहरु उत्साहित भएका छन् । झण्डै १० महिनापछि नयाँ लाईसेन्सको लागि अनलाईन फाराम खोल्ने भएको छ ।

एक दिनमा प्रत्येक कार्यालयबाट २०० कोटा दुईपाँग्रेमा दिँदै आएको छ भने जीप र कारमा भने प्रत्येक दिन ३० वटासम्म कोटा दिँदै आएको छ ।