कतारको ४९ औं नेश्नल डे मनाइयो

न्यूज ब्यूरो, कतार । अधिक नेपाली श्रमिकहरु रहेको खाडी मुलुक कतारका ४९ औं राष्ट्रिय दिवस धुमधामका साथ मनाएको छ ।

प्रत्येक वर्ष १८ डिसेम्बरमा मनाउँदै आएको कतारको नेश्नल डेलाई मध्यनजर गर्दै कतारको सरकारले १७ डिसेम्बर विहिबार सार्वजनिक विदा समेत दिएको थियो ।

कतारले देशको सँस्थापक शेख जस्सिम बिन मोहम्मद बिन थानीको स्मरण गर्दै हरेक बर्ष डिसेम्बर १८ मा राष्ट्रिय दिवसको रुपमा मनाउदै आएको छ ।

गत सन् १८७८ मा उनले आफ्नो बुवा शेख मोहम्मद बिन थानीको देहान्तपछि राजगद्दी सम्हालेका थिए । उनकै पाामा कतार एक स्वतन्त्र मुलुक बनेपछि राष्ट्रिय दिवस मनाउँदै आएको हो ।

कतारले एक दिन सार्वजनिक विदाको क्रममा विभिन्न देशका कामदारहरुले समेत विदा पाउने गरेको छ भने अस्पताल, सुरक्षागार्ड, विमानस्थल , होटल लगायतका कार्यक्षेत्रमा भने विदा हुँदैन् ।

कतारमा देशभरी विभिन्न कार्यक्रमको आयोजना गरी भव्यताका साथ मनाउने चलन अनुसार ४९ औं राष्ट्रिय दिवस मनाएको हो । यसै दिन देशको झण्डा लगायत अन्य भाव झल्किने गरी गाडी सजाउने, कर्नेशमा सैनिक परेड, आतसबाजी लगायत हवाई शो पनि गर्ने गरिन्छ ।

सन् २००७ को जुन अघि कतारले सेप्टेम्बर ३ मा आफ्नो राष्ट्रिय दिवस मनाउने गरेकोम सेप्टेम्बर ३,१९७१ मा कतारले बेलायतबाट स्वतन्त्रता पाएको अवसरमा राष्ट्रिय दिवस मनाउँदै आएको हो ।