मेयरकपको दोस्रो खेलमा जनकनन्दिनी गाउँपालिका विजयी

न्यूज ब्यूरो, जनकपुरधाम । धनुषाको धनुषाधाम नगरपालिकाको आयोजना जारी मेयर कप फुटलब प्रतियोगिताको दोस्रो खेलमा जनकनन्दिनी गाउँपालिका टिमले विजयी हात पारेको छ ।

सोमबार भएको दोस्रो खेल अन्तर्गत मिथिला नगरपालिका धनुषा र जनकनन्दिनी गाउँपालिका धनुषाबीच भएको सो खेलमा जनकन्दिनी गाउँपालिकाले २–१ अन्तरगोलले विजयी भएको हो ।

धनुषाधाम नगरपालिकाको आयोजना तथा यज्ञभुमी युवा समाजको संयोजकत्वमा खेलाडीलाई प्रोत्साहन र विकाश स्वरुप भइरहेको नगरस्तीय फुटबल प्रतियोगितामा जनकनन्दिनीले २ गोल गरेर विजयी भएको हो ।

सोही खेलमा मिथिला नगरपालिकाको तर्फबाट सहभागी भएको खेलाडीहरुले अन्तिम समयसम्म मात्र १ गोल गरेपछि पराजित भएको हो ।

ट्रासिट अनुसार, सोमबार विजयी भएको जनकनन्दिनी गाउँपालिका अब आउँदो पुस ३ गते धनुषाको गणेशमान चारनाथ नगरपालिकासँग भिडने भएको छ ।