धनुषा गोविन्दपुर साना किसानको सम्पति २२ करोड

न्यूज ब्यूरो, जनकपुरधाम । धनुषाको गोविन्दपुर साना किसान कृषि सहकारी संस्था लिमिटेडको १५ औं वार्षिक साधारण सभा विधिवत रुपमा समपन्न भएको छ ।

कार्यक्रमका अध्यक्षता गोविन्दपुर साना किसान कृषि सहकारी संस्था लिमिटेडको अध्यक्ष फिरण यादव गरेका थिए भन्ने प्रमुख अतिथि नगरप्रमुख बालेश्वर मण्डल रहेका थिए ।

अध्यक्षता गर्दै यादवले संस्थाको आय र व्यय संक्षिप्तमा जानकारी गराएका थिए । साथै किसानलाई कृषि व्यवसाय गर्न संस्थाको नियमबमोजिम तुरुन्त दिने जानकारी गराए ।

प्रमुख अतिथि मेयर मण्डलले साना किसानलाई मात्र कर्जा लगानीमा मात्र सिमित नराखेर कुनै मोटाउ काम गर्न सुझाव दिए । उनले बिज भण्डारहरु जस्ता कामकार्यमा अगाडि बढ्नुका साथै नगरपालिकाबाट पनि जति सहयोग गर्नुपर्ने सहयोग गर्ने प्रतिबद्धता जाहिर गरे । साना किसान सहकारी संस्था लिमिटेड गोविन्दपुरको कामकाज प्रशंसा समेत गरे।

साना किसानमा आवद्ध सद्स्य १ हजार ७ सय ६५ जम्मा शेयर सद्स्य रहेको जानकारी गराउँदै किसानलाई समयमा काम गरिदिने संचालक समितिद्वारा संस्थाका प्रबन्धक राजकुमार साहलाई एक थान मोबाईल पुरस्कार प्रदान गरिएको हो ।

प्रबन्धक साहले संस्थाको कुल सम्पत्ति २२ करोड लगभग पुगिसकेको जनाउँदै संस्थाका गतिविधि अगामी लक्ष्य प्रगती गरेको लगायत विभिन्न विषयमा जानकारी गराएका थिए ।

कार्यक्रममा बिशिस्ट अतिथि वडा नं १ का अध्यक्ष बिश्वनाथ यादव, २ का अध्यक्ष प्रभु नारायण साह, ३ का राजकिशोर साह ,साना किसान बैंक संचालक समिती सद्स्य धुर्व नारायण यादव ,बोर्ड ड्यारेकटर रबिन्द्र यादव लगायतका रहेका थिए ।