बिदेशमा मधेशीहरुको उल्लासमय छठ

न्यूज ब्यूरो, जनकपुरधाम । विदेशमा मधेशीहरुको सुखदुखमा साथ दिँदै आएको मधेशीहरुको छाता सँगठन गैर आवासीय मधेशी सँघ (एनआरएमए) ले उल्लासपूर्वक छठ मनाएको छ ।

गैर आवासीय मधेशी सँघको आयोजनामा विगत ६ बर्षदेखि निरन्तर छठ मनाउँदै आएकोमा यसपाली खाडी मुलुक कतारमा कामको शिलशिलामा गएका मधेशीहरुले उल्लासपूर्वक छठ पर्व मनाएका छन् ।

यसका साथै, युएईको दुबई स्थित समेत मधेशीहरुले छठ पर्व मनाएका हुन् । दुबईको अल मामजार बिचमा छठ पर्व मनाईएको हो । यसका साथै, अमेरिका तथा बिभिन मुलुकमा रहेका मधेशीहरुले छठ पर्व मनाएका हुन ।

हजारौ मधेशीहरुले मधेशको सँस्कृति बचाउनको लागि विदेशमा पनि छठ पर्व मनाएको गैर आवासीय मधेशी सँघले जनाएको छ । उनीहरुले आफ्नो धर्म सँस्कृतिलाई बरकरार राख्नको लागि विदेशमा पनि छठ पर्वलाई निरन्तरता दिएको बताएको हो ।

गैर–आवासीय मधेशी संघको संगठन विश्वको ४५ देशमा रहेको छ । जनमत पार्टीसंग सम्बन्धित यो संगठनमा २ लाख बढ़ी सदस्य आबद्ध छन्। मधेशी बाहुल्य सबै देशमा एनआरएमएले छठ, होली, दीपावली जस्ता सबै पर्व त्योहार मनाउदै आएको अन्तर्राष्ट्रीय समिति अध्यक्ष तथा जनमत पार्टी बिदेश विभाग प्रमुख ई। बसन्त कुशवाहाले बताएका छन्।