खेलाडीहरुलाई टोलस्तरबाटै उठाएर नगरस्तरीय टिम निर्माण गरौं : मेयर मण्डल

न्यूज ब्यूरो, जनकपुरधाम । धनुषाको धनुषाधाम नगरपालिका मेयर बालेश्वर मण्डलले नगरपालिका भरिका प्रत्येक वडाका खेलाडीलाई छ्नौट गरि एउटा नगर स्तरीय टिमक निर्माण गर्नुपर्ने बताए ।

धनुषाको धनुषाधाम नगरपालिका वडा नम्बर ४ गौरीपुरमा खुल्ला क्रिकेट टुर्नामेन्ट प्रतियोगिताको उद्घाटन गर्दै सो कुरा बताएका हुन् । उद्घाटनमा मेयर मण्डल ब्याटिङ गरिएको थियो भन्ने गनेशमानचारनाथ नगरपालिका वडा नम्बर ११ का वडाअध्यक्ष सत्यनारायण सिंह कुवंर दनुवारले बलिङ्ग गरी खेल उदघाटन गरेका थिए ।
।

धनुषाधाम नगरपालिका वडा नम्बर ४ का अध्यक्ष रामपरिक्षण यादवको अध्यक्षता तथा नगर प्रमुख मण्डलको प्रमुख आतिथ्यमा सुरु भएको टुर्नामेन्ट प्रतियोगितामा प्रथम हुने टिमलाई २५ हजार ५१ रुपैया नगद सहित ट्रफी, मेडल र प्रमाणपत्र समेत दिने जनाए। यस्तै, दोस्रो हुनेलाई १५ हजार ५१ रुपैया दिने वार्ड अध्यक्ष यादवले बताए ।

खेलको क्रममा उत्कृष्ट खेलाडीलाई समेत पुरस्कारको व्यवस्था गरिएको छ भने विभिन्न विद्यामा उत्कृष्ट गर्नेलाई समेत पुरस्कार र सम्मान गरिने जनाइएको छ । बेस्ट बलर, बेस्ट ब्याट्सम्यान , म्यानअफ लगायतका विद्यामा पुरस्कार दिनेछ्न ।

कार्यक्रममा वडा नं ३ का अध्यक्ष राजकिशोर साह, गनेशमान चारनाथ नगरपालिका ११ का अध्यक्ष सत्यनारायण सिंह कुंवर दनुवार समाजसेवी , बुद्धिजीवी ,शिक्षाप्रेमी खेलाडी र स्थानीय जनसमुदायको उपस्थितिमा उद्घाटन कार्यक्रम गरिएको छ ।